بریا او پرمختګ ټولنیز ژوند ژوند بڼه سیاست له نړۍ

د سعودي عربستان په دوو مقدسو اسلامي ځایونو کې په عالي مقاماتو د لسو ښځو ګمارنه

لیکنه: مهر تاج
لیکنه: مهر تاج

د مکې او مدینې مسوولینو په عین وخت دا بیان خپور کړی، چې د انتظامي او تخنیکي چارو په ګډون په نورو څانګو کې هم مېرمنې په واک ګمارل شوې دي.

مسوولینو ویلي، چې له دغو ګمارنو څخه یې موخه؛ د هغو مېرمنو ظرفیت لوړول او دوی ته استقلالیت ورکول دي چې لوړي زده‌کړې لري.

د سعودي عرب د محلي رسنۍ پر بنسټ لومړی ځل د مقدسو مساجدو په چارو کې د ښځو ګمارل په ٢٠١٨ کې پیل شول او دا لړۍ اوس د مقدساتو تر رهبرۍ لوړه شوه.

په اصل کې د سعودي عرب چارواکو د ښځو ګمارل په ټولو چارو کې پیل کړي دي.

دا ګمارنې د سعودي د ولي العهد «بن سلمان» د۲۰۳۰م د پلان یوه برخه ده.

ولي العهد غواړي تر ٢٠٣٠ د سعودي بنسټې ګټې او عایدات نه باید صرف د تیلو پر ګټه ولاړې وي.

او د سعودي عام وګړي نه باید د حکومت پر ولیو بار وي.

دوی باید هر یو نر او ښځه انفرادي ګټه یا عاید ولري او خپلې ټولنې ته پرې خدمت وکړي.

د سعودي مقامات وايي، د ښځو ګمارنې به د سعودي عرب هېواد په ټولو چارو کې زیاتي شي.

همدارنګه د پروسږ کال له اکتوبر څخه وروسته ښځو ته د سعودي عرب په نظامي ډګر کې د ونډې اخستلو اجازه هم ورکړل شوې ده.

اوس مهال د سعودي مېرمنې کولای شي، چې د سعودي په پوځ کې د سعودي په دفاعي هوايي او بحري قواوو کې دنده ترسره کړي.

د یادونې وړ ده چې پروسږ کال سعودي مېرمنو ته د موټر چلولو اجازه هم ورکړې وه.

او دوی اوس مهال دا حق لري، چې د موټر چلولو لیسنس ولري، یو ښایسته فلم د لیدو په موخه سینما ته لاړې یا سینما پرانزي، په تنهایي سفر وکړي او د نړۍ د نورو مېرمنو سره په هر ډګر کې سیالي وکړي.

د لیکوال/ لیکوالې په اړه

مهر تاج

تبصره مو ولیکئ