اپریل 16, 2021

هندوان يووراج سينګ او هربجن سينګ ته سخت په غوسه دي!

Advertisements

ليکنه: مدثر دعوت
د هندوستان کريکټ ملي لوبډلي پخوانيو لوبغاړو هربجن سينګ او يووراج سينګ د هندوستان له خلکو غوښتي چي د شاهد افريدي د خيريه بنسټ سره مرسته وکړي.
دواړو لوبغاړو په جلا جلا ويډيويي ټويټونو کي د هندوستانيانو څخه غوښتنه کړې چي په پاکستان کي د کرونا ويروس د مخنيوي په خاطر د شاهد افريدي د خيريه بنسټ سره خپل تر توانه مرسته وکړي.

دواړو سينګانو ويلي چي دا د ازمويني حالت دی هرهغه څوک چي زموږ لاسنيوي ته اړتيا لري بايد ويې نه دريغوو .
شاهد افريدي هم د ټويټ له لاري د هربجن سينګ او يووراج سينګ څخه ځانګړې مننه کړې او ددوی دريځ يې ستايلی دی.

خو په ټولنيزو رسنيو کي هندوانو خپل دواړه کريکټران د ملت ضد ياد کړي او ددوی دا دريځ يې په سختو ټکو غندلی دی.
د اکثرو هندوانو دا نظر دی چي شاهد افريدي په هر حالت کي د هندوستان په وړاندي منفي دريځ غوره کړی او هرکله چي د پاکستان له لوري په هند کي ورنکاري ترسره سوې افريدي يې ملاتړ کړی.
په فيسبوک او ټويټر کي ددې پرځای چي د هندي کريکټرانو غوښتني ته د هند ولس لبيک ووايي په عکس العمل کي يې ددوی ملاتړ شرموونکی او خيانت بللی دی.

په پاکستان کي تردې مهاله د کرونا ويروس ۲۰۴۲ مثبتي پيښي ثبت سوي چي له امله يې ۲۶ کسان مړه سوي خو په هندوستان کي بيا ۱۵۹۰ کسان په کرونا مبتلا دي او ۴۵ تنه يې وژلي دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




مصر کې ۳۰ کلن دود راژوندی کړل شو؛ روژماتي او ماښامي لپاره خلک په توپونو خبروي

لیکوال: مهر تاج - برخه : کلتور او هنر

Advertisements د صلاالدین ایوبي کلا توپونه وروسته له ٣٠ کلونو د روژه ماتي او پیشلمي د اعلان لپاره بیا چمتو شول. په روژه کې د توپونو پخوانیو کلونو کې د مصر په ګډون په ډیری ... نور ولولئ