Advertisements
بریا او پرمختګ ټولنیز ژوند ځوانان او زده کړې ژوند بڼه

که د وینا کولو مهارت زده کړو، نو دا ۱۲ ګټې به وکړو

ژباړه؛ نسیمه محمدي

وینا شخصي او حرفهیي ژوند ته پرمختګ ورکوي او هم په بهرنۍ نړۍ د اغېز امکانات برابروي. که فکر کوئ ويناوالي هېڅ ګټه نه لري یا هم یوازې په استرس هم نه ارزي، نو اړینه ده دا لیکنه تر پایه ولولئ.

۱ – پر وېره بریاليتوب؛

ډېری خلک له وینا وېرېږي. جري ساینفلد (Jerry Seinfeld) لیکي: “زیاتره څېړنې ښیي چې د  خلکو لومړۍ وېره له وينا څخه ده او دویمه یې له مرګ. مرګ په دویمه شمېره کې دی، یعنې وګړي د یوې ډلې کسانو پر وړاندې تر وینا کولو د مرګ تجربې ته ترجیع ورکوي.» د دې ټولو وېرو برخلاف، د چمتوالي او تمرین سره بریالي اوسېدلای شئ.

۲ – د نفس عزت زیاتېدل؛

وینا په شدت عزت نفس پورته وړي، پر وېره بریا او ناامني چې د وینا سره مله وي، د پیاوړتیا لوړېدلو سبب ګرځي. همدارنګه، له مخاطبانو سره اړیکه ستاسې د عقایدو او لیدلوري غوره یادونه وي، چې له نړۍ سره یې شریکوي.

۳ – نورو ته د لرلید څرګندول؛

ستاسې د ټولنیزې کړۍ وراېخوا له وګړو سره د ارزښتمندو څیزونو شریکول، خوښي بښوونکي کېدای شي.

۴ – د انتقادي فکر وده؛

د وینا متن چمتو کول له څېړنې تر متن لیکلو، ټول د انتقادي تفکر لپاره ښه تمرین دی، چې دا مهارت پیاوړي کوي.

۵ – د ارتباطي عادتونو تحلیل؛

د وینا چمتو کول تاسې اړ باسي چې له نورو سره د اړیکې لارې چارې له سره وارزوئ او د وینا عادتونه مو بیاځلي وڅېړئ.

۶ – د ارتباطي وړتیاوو وده؛

د وینا د متن د لیکلو پر وخت باید په غوره بڼه، قانع کوونکو دلایلو او مخاطب ته د پیغام لېږلو د ژبې په اړه فکر وکړئ. دا ټول درسره مرسته کوي چې خپل ارتباطي مهارتونه د ژوند په بېلابېلو برخو کې هم وکاروئ.

۷ – د نویو ټولنیزو جوړول؛

وینا له هغوی سره د لیدنې ښه فرصت دی، چې ګډ علایق لري.

۸ – خپل رییس اغېزمن کړئ؛

په وینا کې بریالیتوب د نوښتګرۍ، د انتقادي فکر پیاوړتیا، د رهبریت وړتیا، وقار او مسلکيت دی، هغه وړتیاوې دي چې د کارموندنې لپاره ارزښت لري.

۹ – شهرت ترلاسه کړئ؛

وینا په پراخه کچه مخاطبانو ته د پیغامونو رسولو غوره لاره وي.

۱۰ – د مسلکي کړیو پراخول؛

ویناوالي د مشابه ذهنیتونو مسلکي وګړي سره راټولوي، چې خپل عقاید او تصورات له یو بل سره شریک کړي. دا پېښې د ډلې جوړولو فوق العاده فرصتونه ګڼل کېږي.

۱۱ – په حرفه یي شهرت سره خپل نوم حک کړئ؛

که مو د ویناوال په ډول شهرت تر لاسه کړ، شخصیت به مو د خلکو پر وړاندې تر ډېری لیکونکو لوړ وي.

۱۲ – خلک د مناسبو موضوعاتو په ټاکلو سره بدلون ته وهڅوئ.

وینا د نامعقولو فعالیتونو او سیاسي بدلونونو لپاره د آسانوونکي په توګه اوږده مخینه لري، وینا په اصل کې له یوه ګډ دلیل سره د بېلابېلو وګړو د يووالي او په پای کې د عمل د ترسره کولو لپاره د هغوی د ترغیب او هڅونې یوه غښتلې او اغېزلرونکې وسیله ده.

Advertisements

د لیکوال/ لیکوالې په اړه

نسیمه محمدي ، کابل کې د یاران د ټیم غړې

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.