Advertisements
افغانستان پوهنه ځوانان او زده کړې سرسکالو

د درسي کیفیت لوړولو په موخه زده کوونکو ترمنځ سیالۍ پيلیږي

لیکنه: ګلاب هېواد

په ننګرهار ولایت کې د درسي کیفیت د لوړولو په موخه په ښوونځیو کې د زده کوونکو ترمنځ خپل منځي سیالي پيلیږي.

د ننګرهار رسنیو دفتر وايي، ددې ولایت د پوهنې رئيس حسیب الله شینواري د مرکز جلال اباد ښار د لیسو امرینو سره د غونډې پر مهال له دوی مننه وکړه چې څلورنیم میاشتنې ازموینې یې په سمه بڼه مدیریت او بریالۍ توګه پای ته ورسولې.

د پوهنې ریس د لېسو مدیرانو ته وویل:

«د ازموینو پاتې نتایج ژر تر ژره چمتو او اعلان کړي، نوي درسي مهالویشونه ترتیب او د لېسو ګودامونه د درسي توکیو د موجودیت او ویش لپاره وارزوي، د لېسو شوراګانې او دغه راز اته ګونې کمېټې فعالې او دولسي ونډې راجلبولو لپاره هلې ځلې وکړي.»

مدیرانو ته سپارښتنه

هغه د لېسو مدیرانو ته سپارښتنه وکړه چې د لېسو د چاپېریال زرغونولو لپاره د بوټو کرل پېل او د درسي خونو نظافت ته پاملرنه وکړي او د فرهنګي کمېټو په فعالولو سره دې د خپلو اړوندو لېسو دیوالي جریدې هم فعالې او زده کوونکو ته د لیکنو لومړیتوب ورکړل شي.

شینواري د لېسو امرینو ته په خپلو خبرو کې د لېسو تر منځ په خپلمنځي سیالیو چې د درسي کیفیت په لوړاوي کې مرسته کوي د پېل کیدو سپارښتنه وکړه.

Advertisements

د لیکوال/ لیکوالې په اړه

ګلاب هېواد

تبصره مو ولیکئ