سپورټ کرکټ وزش او تمرین

شپږیزه لیګ کې ۳۰ سلنه نندارچیانو ته اجازه ورکړل شوه

لیکنه: محمدصابر حمیدي

افغان کرکټ بورډ په یوې خپره کړې خبرپاڼه کې ویلي، چې د شپږیزه کرکټ لیګ اووم پړاو سیالیو کې ۳۰ سلنه نندارچیانو ته اجازه ورکړل شوه، تر څو لوبغالي کې لوبه له نژدې وګوري.

افغان کرکټ بورډ په یاده خپره کړې خبرپاڼه کې ویلې، چې د بورډ د غوښتني په اساس عامي روغتیا وزارت شپږیزه کرکټ لیګ کې ۳۰ سلنه نندارچیانو ته اجازه ورکړه.

بورډ وايي، چې د روغتیايي سپارښتونو (ماسک تړلو او دوه متره فاصلې) په رعایتولو سره نندارچیان لوبې له نژدې په لوبغالي کې کتلای شي.

د بورډ په خبره، چې تر هرې لوبې مخکې به د لوبډلې ټول لوبغاړي او روزونکي د کرونا ټیسټ ورکوي.

د شپږیزه کرکټ لیګ اووم پړاو د راتلونکې سیپټمبر میاشتې په ۶مه نېټه پيلیږي، چې د یادې میاشتې تر ۱۶مې نېټې پوري به دوام وکړي.

په دې سیالیو کې ۶ لوبډلې بُست، میس عینک، سپین غر، امونهنګان، بندامیر او کابل بازان شاملي دي.

د شپږیزه کرکټ لیګ لومړۍ لوبه بندامیر د میس عینک لوبډلې په وړاندې ترسره کوي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ