د پاکستان او انګلستان په شل اوریزه لوبه کې د لوبډلمشرانو مثبت رول

سپورټ یاران

د یکشنبې په ماښام د انګلستان مانچېسټرښار د دوو لوبډلو د شل اوریزو لوبو کوربتوب وکړ.
په دې لوبه کې خارق العاده کار دا وشو، چې د پاکستان او انګلستان لوبډلمشرانو ۵۰ جمع یا فېفټي پلس منډې وکړې او د لوبډلو د منډو په پرمختګ کې یې رغنده رول ولوباوه.
د پاکستان لوبډلمشر د پیل یا اوپننګ مقام کې د خپلې لوبډلې ملا په خورا ښه ډول وتړله، بابراعظم چې په شل اوریزو او یو ورځنیو لوبو کې د پاکستانۍ لوبډلې لوبډلمشر دی ۵۶ منډې یې وکړې، چې ۷ څلوریزې یې ووهلې.
ورسره فخرزمان هم ۳۶ منډې ورعلاوه کړې.
خو په ون ډاون کې محمدحفیظ هغه لوبغاړی دی، چې په ۶۹ ارزښتناکو منډو یې هدف تر ۱۹۶ ورساوه.

د پاکستان مناسب هدف او هیلې یې

د پاکستان کرکټ لوبغاړي د هدف څخه د دفاع په خاطر لوبغالي ته ډېر خوشبینه راښکته شول؛ خو د انګلستان د دېوال په څېر محکم بېټېنګ لاین څخه نه وو خبر.
په لومړي سرکې پیلیز توپوهونکي جاني بېرسټو چټکه توپوهنه وکړه؛ هغه ۲۴ توپونو د ۲ شپږیزو او ۴ څلوریزو په مرسته ۴۴ منډې وکړې او لوبډلې ته یې شاندار پیل ورکړ.
خو شاداب خان د په خپله غوره توپ اچونه د لوبې شپږم اوور کې د انګلستان د منډو د سېلاب مخنیوی وکړ.
هغه جاني بېرسټو او ورسره خطرناک اوپنر ټام بېنټن په دوه توپونو پرله پسې وسوځول.
د دوو وېکټو په لوېدو سره د انګلستان لوبه یو څه ټکنۍ شوه او د پاکستانۍ لوبډلې د رهبرۍ غړو د بریا خوبونه لیدل.
خو دوه باتجربه توپوهونکي ډېوېډ مېلن او ایئن مورګن په ویشتن ځای د بري په تکل ودرېدل.
دواړو په ډېرکم وخت کې په ۳۳ توپونو ۵۱ منډې رغوونکې ملګرتیا وکړه او د انګلستان د بریا هیلې تاندې شوې.
دواړه د بالرانو پر وړاندې باحوصله او با مسوولیته ودرېدل او بالاخره د لوبې وروستی حال دا شو، چې پاکستانۍ لوبډله په ۵ وېکټو ماته شي.

په لوبه د بابراعظم او ایئن مورګن رښتینې ذمه واري

لومړی بابراعظم په توپوهنه کې خپله ذمه واري واخېسته او د حفیظ په ملتیا یې هدف مناسب کړ.
بل پلو مورګن د لوبډلمشر ځواب په غوره لوبډلمشرۍ سره ورکړ، د غوره توپوهنې ځواب یې په غوره توپوهنې سره ورکړ.
د بابر د ۵۶ منډو په بدل کې مورګن ۶۶ منډې وکړې او د لوبې غوره لوبغاړي جایزه یې واخېسته.

د ۴۹ بونډریانو لوبه او د انګلستان بری

پاکستان په دغې لوبه کې ټولې ۲۳ بونډریانې ولوبولې، چې ۵ شپږیزې او ۱۸ څلوریزې پکې شاملې وې.
انګلستان د ۲۳ بونډریانو ځواب په ۲۶ پولو ورکړ، انګلستان ۸ شپږیزې او ۱۸ څلوریزې جوړې کړې.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




خلیلزاد: د افغانستان او پاکستان ترمنځ د امنیتي تړون رامنځ ته کولو هڅه روانه ده

لیکوال: عاقله اسد - برخه : سیاست

امریکا د افغانستان او پاکستان ترمنځ د امنیتي تړون د رامنځ ته کولو په لټه کې ده. د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد په خپله یوه تازه ... نور ولولئ