رسنۍ سینما او موسیقي

شاهرخ خان او ډپيکا د “پټان” په نامه فلم کې ګډ کار کوي

لیکنه: مدثر دعوت

خبريال: مدثر دعوت

د باليووډ سېنما باچا شاهرخ خان او ډپيکا پاډوکان د پټان په نامه فلم کې کار کوي.

وروسته له هغې چې په ۲۰۱۸ز کې د شاهرخ خان د “زېرو” فلم سخت ناکام سو نو نوموړي د رسنيو سره په مرکه کې وويله چې غواړي د يوڅه عمر لپاره استراحت وکړي او ډېر وخت کورنۍ ته ورکړي.

تازه راپورونه خپاره سوي چې شاهرخ او ډپيکا به د فلم جوړوونکي سيدارت آنند په يوه نوي فلم کې يوځل بيا کار وکړي چې د يش راج د کمپنۍ له لورې به جوړ سي .

د “باليووډ هنګامه” د خبر له مخې دا فلم به د یو پښتون اتل پر ژوند جوړ سي، چې شاهرخ خان هم د همداسي لوی فلم لپاره انتظار وو.

ډپيکا پاډوکان به هم يو مهم رول ولري او پدې خاطر به ددې فلم لپاره زړه ښه کړي چې سېنما ته ددې راتګ په ۲۰۰۷ز کې د شاهرخ خان په فلم ” اوم شانتي اوم” سره سوی او بيايې په “هپي نيو يار” او “چينای ايکسپريس” فلمونو کې ورسره کار کړی چې خورا ښه تجارت يې وکړ.

سيدارت آنند د يش راج کمپنۍ سره د ډايريکټر په حيث د “بنګ بنګ” او “وار” په څېر فلمونه جوړ کړي.

سرچينې وايي چې د يش راج کمپنۍ مشر اديتيا چوپړا به په راتلونکو شپږو اونيو کې د پټان فلم ترڅنګ د سلمان خان د “ايکتا ټايګر” فلمونو د لړۍ د دريم فلم د شوټينګ د پيلېدو اعلان هم وکړي او دا هم کېدای سې چې د “دهوم ۴” فلم د شوټينګ چارې به هم د شاهرخ خان په مرکزي رول سره پيل سي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ