فبروري 24, 2021

افغانستان او سکاټلینډ سبا دویمه یو ورځنۍ لوبه کوي

لیکنه: صابر حمیدي
د افغانستان او سکاټلېنډ کرکیټ ملي لوبډلو ترمنځ د ۲ یو ورځنیو لوبو د لړۍ څخه یې سبا جمعه ماپښین ۲:۳۰ بجې دوهمه یو ورځنۍ لوبه ترسره کیږي.
د افغانستان د کرکیټ ملي لوبډله اوس سکاټلېنډ کي ده او سبانۍ لوبه د سکاټلېنډ سره د یاد هیواد په کوربتوب ترسره کوي.
د افغان او سکاټلېنډ ټیمونو ترمنځ ټاکل سوې وه، چي پرون چهارشنبه لومړۍ یو ورځنۍ لوبه ترسره سي، خو د زیات باران له امله یاده لوبه لغوه سوه.
له سکاټلینډ سره تر دې لوبي وروسته افغان لوبډله د ایرلینډ په کوربتوب هم دوې یو ورځنۍ لوبي د ایرلېنډ سره ترسره کوي او له هغه وروسته د پاکستان او انګلستان سره دوې تمریناتي سیالۍ ترسره کوي.
ددې سیالیو موخه د کرکیټ نړیوال جام ته پوره چمتوالی ښودل سوی.
د کرکیټ نړیوال جام د رواني مې میاشتي په ۳۰مه نیټه پېلیږي، چي لوبي يې په انګلستان او ویلز هیوادونو کي ترسره کیږي.
افغانستان به خپله لومړۍ لوبه د جون میاشتي په لومړۍ نیټه د آسټرالیا په وړاندي ترسره کړي.
په دې جام کي ټولو ګډونوالو لوبډلو وار له مخي خپل ۱۵ کسیزه ټیمونه اعلان کړي.