سپورټ کرکټ وزش او تمرین

د سریلانکا لیګ؛ تر دې دمه پکې دوه افغان لوبغاړي اخیستل شوي

لیکنه: محمدصابر حمیدي

د سریلانکا هیواد د کرکټ کورنیو تجارتي سیالیو ته د لوبغاړو رانیولو پروسه روانه ده، چې تر دې دمه پکې دوه افغان لوبغاړي بیلابیلو لوبډلو ځانته اخیستي دي.

دا دوه افغان لوبغاړي حضرت‌الله ځاځی او نوین‌الحق دي، چې حضرت‌الله ځاځی ګېلي ګلډیټرز لوبډلې او نوین‌الحق بیا کینډي ټوسکرز لوبډلې واخیست.

د دې دوو تنو لوبغاړو خبر د سریلانکا کرکټ بورډ پر خپلې رسمې ټویټرپاڼې تایید کړی.

د سریلانکا کورني کرکټ لپاره د بولي مراسم په انلاین ډول روان دي، چې ځیني پړاونه یې راتلونکو وختونو کې ترسره کیږي.

دا چې د دې لیګ بولۍ لپاره ګڼ شمېر افغان لوبغاړي لیست شوي، نو اټکل هم کیږي، چې زیات افغان لوبغاړي به واخیستل شي.

د سریلانکا لیګ

د سریلانکا د کرکټ کورنۍ تجارتي سیالۍ(لانکا کرکټ لیګ) د راتلونکې نوومبر میاشتې په ۲۱مه نېټه پيلیږي او د ډیسمبر میاشتې تر ۱۳مې نېټې پورې به دوام وکړي.

په دې لیګ کې پنځه لوبډلې کولومبو، کینډي، ګېلي، ډمبولا او جعفنا شاملې دي.

د سریلانکا کرکټ بورډ وايي د لیګ ټولې لوبې به په دریو بېلابیلو لوبغالو کې ترسره شي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ