مارچ 2, 2021

د سریلانکا تجارتي لیګ د اګسټ په ۲۸مه پيلیږي

لیکنه: محمدنسیم حمیدي

ټاکل شوې د سریلانکا هیواد د کرکټ کورنۍ تجارتي سیالۍ«SCL» د راتلونکې اګسټ میاشتې په ۲۸مه نېټه پيل شي.
ددې لیګ اجرایوي مشر ایشلي ډي سیلوا د اسپاین کریک انفو سره په خبرو کې وویل، چې سږ کال به په دې لیګ کې د داخلي لوبغاړو ترڅنګ ۹۰ بهرني لوبغاړي هم ولوبیږي.
د ایشلي ډي سیلوا په خبره، ددې لیګ ګډونوالي لوبډلې به هم د بهرنیو روزونکو له لوري رهبري کیږي.

د ورکړل شوو معلوماتو له مخې د سریلانکا هیواد په کورنیو تجارتي لوبو کې به ۵ لوبډلې یو د بل په وړاندې په دریو اونیو کې ولوبیږي.
سږ کال سریلانکا ددې لیګ ترسره کېدو ته پلان نه درلود، خو کله چې د کورونا ویروس له امله د سریلانکا ملې لوبډلې یو شمېر لوبې د بیلابیلو هیوادونو سره لغوه شوې، نو د سریلانکا کرکټ بورډ د یاد هیواد تجارتي سیالیو ته پام واړاوه.
دا چې په دې لیګ کې به افغان لوبغاړي ولوبیږي او کنه تر اوسه یې په اړه معلومات نشته.

دا لیګ د لومړي ځل لپاره په ۲۰۱۲م کې ترسره شو.
سریلانکا به په داسي مهال خپل لیګ ترسره کړي، چې د نړۍ تر ټولو ستر تجارتي لیګ «IPL» بیا د سیپټمبر میاشتې په ۲۶مه نېټه د هند په ځای متحده عربي اماراتو کې پیلیږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




راشدخان: د یوه قوي ټیم درلودلو لپاره اړتیا ده، زیاتې ټیسټ لوبې وکړو

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي     د ایسفاین کرکی انفو د راپور له مخي د افغانستان د کرکټ ملې لوبډلې نامتو لوبغاړي راشدخان ویلي، چې که موږ په کال کې له درې ـ څلورو لوبو ډېرې ... نور ولولئ