هغه ځوان ووژل شو، چې یو ښوونکی یې د محمد(ص) د کارتون په تور وژلی وو

خبریال: فضل الله فضلي
تېره جمعې ورځ په فرانسه کي د یوې ښوونځی هغه ښوونکی ووژل سو، کوم چي په ټولګۍ کي یې د اسلام د دین د وروستي پېغمبر د کارتون په اړه بحثونه کول او ښکاره کول یې.
دا ښوونکی چي ۴۷ کاله عمر یې درلود، سمویل فاتې نومېدئ او په ښوونځی کي د تاریخ او جغرافيې د مضمونو ښوونکی وو.
د نوموړي وژونکی بیا عبدالله نومیدئ، ۱۸ کلن وو او په روسیه کي زېږېدلی وو.

عبدالله بیا د فاتې تر وژني وروسته پولیسو په پاریس ښار کي په ډزو وواژه.
ښوونکي فاتې له یوې اونۍ څخه په ښوونځی کي د محمد(ص) د کارتونونو او ویډیوګانو په اړه خبري او بحثونه کول او وروسته بیا د عبدالله لخوا څارل کېدئ.
تېره جمعه نوموړی ښوونکی کور ته پر لاري وو، چي د عبدالله لخوا د چاقو پواسطه برید پر وسو او وروسته یې سر ځني غوڅ کړ.

د پېښي عیني شاهدان وايي چي پر دغه وخت یې د “الله اکبر” لفظونه اورېدلي دي.
ددې پېښي وروسته تېره ورځ په فرانسه کي زرګونو ښوونکو لاریونونه کړي او د بیا آزادۍ غوښتنه یې کړې ده.

د فرانسې حکومت په تازه اقداماتو کي بیا د لسګونو مشکوکو اسلامي سخت دریځو کورونو باندي چاپې وهلي او څېړني یې شروع کړي دي.
نن ددې هیواد د کورنیو چارو وزیر ګیرارډ دارمنین وویل چي د ۵۱ مسلمانو ټولنو په اړه څېړني رواني دي او ځني به یې وتړل سي.

Be the first to comment

Leave a Reply

Your email address will not be published.




ایا اصغر افغان به بېرته لوبډلمشر شي؟

by سمیع الله درانی in سپورټ

د سلېکشن کمېټې تېره میاشت حشمت الله شهیدي د ټېسټ او یو ورځنیو لوبو لوبډلمشرکړ، کابو دوه اونۍ وړاندې یې راشدخان د شل اوریزو لوبو لوبډلمشر اعلان کړ. رحمت شاه د ټېسټ او یو ورځنیو ... نور ولولئ