Advertisements
سپورټ فوټبال

افغان ساحلي فوټبال لوبډلي تر دوو ماتو وروسته بریا خپله کړه

د افغانستان د فوټبال ساحلي ملي لوبډله په ۵ اړخیزه سیالیو کي خپله درېیمه لوبه پرون شنبه د ویتنام فوټبال ساحلي ملي لوبډلي په وړاندي ترسره کړه، چي یاد هیواد ته ئې ۷ ګولونه پر ۳ سخته ماته ورکړه.

inbound671512391299550432.jpg

په پنځه اړخیزه فوټبال ساحلي لوبو کي دا د افغانستان درېیمه لوبه وه. افغانستان په لومړۍ لوبه کي د کوربه ټایلینډ څخه او په دوهمه لوبه کي ئې بیا د چین څخه ماته وخوړه.

inbound7066875218715265806.jpg

افغان ساحلي فوټبال ملي لوبډله څلورمه او وروستۍ لوبه نن یکشنبه د مالیزیا په وړاندي ترسره کوي.

د افغانستان فوټبال فدراسیون وایي، چي دا لوبي په ټایلینډ هیواد کي رواني دي، چي د افغانستان په ګډون کوربه ټایلینډ، چین، مالیزیا او ویتنام هیوادونه شتون لري.

inbound1921972348568713343.jpg

د پنځو هیوادونو ترمنځ د فوټبال دا ساحلي لوبي د تیري چهارشنبې په ورځ پیل سوې او تر ۶ ورځو دوام وروسته راتلونکې دوشنبه پای ته رسیږي.

ټایلینډ ته ۱۶ کسیزه ټیم سفر کړی، چي ۱۲ پکښي لوبغاړي، یو د ټیم روزونکی، د ټیم مشر، ډاکټر او عکس اخیستونکی شامل دي.

inbound8096331898996604114.jpg
۱۲ کسیزه لوبډله کي کاوش حیدري، نوید افغان، زین الدین شریفي، جمیل ناصري، مرتضی جعفري، سمیع الله محمدي، رامز فاروقي، تمیم حیدري، فهیم حیدري، عمران ولیزاده، اُمید همایون او شفیع بعیات شامل دي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.