د ټنډولکر دوه جالیب ارمانونه، چې ورته نه‌دی رسېدلی

 

د هندوستان د کرکټ ملې لوبډلې پخواني تکړه لوبغاړي سچن ټنډولکر ویلې، چې په خپل لوبیز ژوند کي یې دوه ارمانونه درلودل، چې هغه ته له هڅو سره ـ سره بیا هم ونه رسېد.

 

د ټنډولکر لومړی ارمان

 

«زه دوه ارمانونه لرم، لومړی داچي هیڅکه مي د هندي سونیل ګاواسکار سره لوبه نه دی کړې، کله چي لوی سوم د هغه سره لوبه کول مي یو لوی ارمان و، خو ورته ونه رسېدم، ددې ترمخه چي زه د هند لپاره لومړۍ لوبه وکړم، ګاواسکار دوه کلونه مخکي د کرکټ سره مخه ښه وکړه.»

 

د ټنډولکر دویم ارمان

 

«دویم ارمان مي دادی، چي ورته ونه رسېدم، هغه د ویسټ انډیزي ویوان ریچارډز پر وړاندې لوبېدل وه، زه خوشبخته یم، چي د هغه پر وړاندي مې یوازې یوه غیر رسمي لوبه وکړه، خو په رسمي لوبه کې تراوسه ورسره نه یم مخامخ شوی.»

 

د سچن ټنډولکر ژوند او لوبې یې

 

ټنډولکر د ۱۹۷۳م د اپرېل میاشتې په ۲۴مه نېټه د هندوستان په ممبي ښار کي زېږېدلی.
سچن ټنډولکر د ۲۰۱۲م کال د مارچ میاشتې په ۱۸مه نېټه خپله وروستۍ یو ورځنۍ لوبه د پاکستان پر وړاندې ترسره کړه او له هغه وروسته ئې د یو ورځنیو لوبو سره مخه ښه وکړه.

ټنډولکر د ټیسټ سیالیو پيل د ۱۹۸۹م د نومبر په ۱۵مه او د یو ورځنیو لوبو پيل ئې بیا د ۱۹۸۹م د ډیسمبر میاشتي په ۱۸مه نېټه وکړ.

هغه د ټیسټ او یو ورځنیو دواړه فارمټونو پيل د سرخت سیال هیواد پاکستان په وړاندي کړی.
د هندوستان د کرکیت ملي لوبډلي دې تکړه لوبغاړي بیا خپله وروستۍ ټیسټ لوبه د ۲۰۱۳م د نومبر میاشتي په ۱۴مه نېټه د ویسټ انډيز په وړاندي ترسره کړه او وروستۍ یو ورځنۍ لوبه ئې بیا د ۲۰۱۲م د مارچ میاشتي په ۱۸مه نېټه د پاکستان په وړاندي ترسره کړه.

ټنډولکر په ۱۱ کلنۍ کې د کرکټ لوبي پیل کړې او په ۱۶ کلنۍ کي د هندوستان په لوبډله کي شامل سو او له پاکستان سره یې په کراچۍ ښار کي لومړۍ لوبه وکړه.
نوموړي ۲۰۰ ټېسټ لوبې ترسره کړي، چې ۱۵ زره ، ۹ سوه او ۲۱ منډې یې پکې جوړې کړي او په یوه پاڼۍ توپ وهنه کي یې ۲۴۸ ناسوځېدلي لوړي منډي دي.
په ټېسټ لوبوکې ۵۱ سلیزې او ۶۸ پنځوسیزې لري.
۴۶۳ یې یو ورځنۍ لوبې کړي، چې ۱۸ زره ۴ سوه او ۲۶ منډې یې پکې جوړې کړي دي او یوه لوبه کې یې ۲۰۰ ناسوځېدلې منډې تر ټولو لوړې منډې دي.
یوه شل اوریزه لوبه یې کړې او لس منډې یې پکې جوړې کړي دي.
ده په ټولو لوبو کې سل سلیزې وهلي، چې تر اوسه یوه لوبغاړي هم نه دي وهلي او نړۍ کي یې ریکارډ د ده په نوم دئ.
د ۱۹۹۴ نه تر ۱۹۹۹ م کال پورې ښه په کش کې روان و او نوموتی توپ وهونکی یادېده.
۲۰۰۳ کال نړیوال پنځوس اوریز جام سیالیو کۍ یې په ۱۱ لوبو کې ۶۷۳ منډې جوړې کړې او د ټول ټورنمنټ د غوره توپ وهونکي جایزه یې واخېسته.
سچن خپله لومړۍ سلیزه هم د بنګله دېش خلاف وهلې وه او خپله سلمه سلیزه یې هم د بنګله دېش خلاف ووهله، چې د سل سلیزو ریکارډ یې جوړکړ.
۱۹۹۶ م کال کې د هندوستانۍ لوبډلې لوبډلمشر سو؛ خو ډېر اغېزمن نه و، له لوبډلمشرۍ لرې شو او په ۲۰۰۷ کال کې یو ځل بیا لوبډلمشر شو، چې مثبت اغېز یې کم و او بېرته لرې شو او پر ځای ایم ایس ډوني لوبډلمشر شو.
نوموړي ۲۴ کاله نړیوال کرکټ وکړ او له لاسته راوړنو څخه ډک رول یې د هندوستان لپاره ولوباوه.

 




سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ