د سويلي افريقا کريکټ لوبډله قرنطين سوه!

خبريال: مدثر دعوت
د کرونا ويروس څخه د حفاظت په خاطر د سويلي افريقا کريکټ لوبډله قرنطين سوه.
د سويلي افريقا لوبډله چي هند ته د لوبو لپاره تللې وه وروستۍ دوې يو ورځنۍ لوبي يې د کرونا ويروس له ويري ترسره نکړې او بيرته ټوله تللې ډله خپل هيواد ته ستنه سوه.
د سويلي افریقا د کريکټ بورډ د روغتيا کميټه وايي موږ چي کله د هند په لوري لوبډله استوله هغه مهال د کرونا ويروس ډير نه وو خپور سوی نه هم د هندوستان په کلکتې، درمساله او لکنو کي د کرونا کوم شکمنه پيښه سوې وه.
د سويلي افريقا د کريکټ بورډ د روغتيايي چارو مسول شعيب منراج کريک انفو ته ويلي د کرونا ويروس د لویديځ څخه تر ختيځ پوري ټول هيوادونه په بر کي نيولي او همدارنګه د روغتيا نړيوال سازمان ورته د د نړيوالي وبا نوم ورکړی او ټولو هيوادونو له يو بل سره سرحدونه وتړله.

دی وايي موږ پوهيدلو چي هندوستان او يابه هم سويلي افريقا په هوايي ډګرونو کي پر هر ډول پروازونو بنديز ولګوي نو ځکه موږ د لوبو د پريښودلو غوښتنه وکړه.
د شعيب په خبره ټول هغه لوبغاړي او نوره ډله چي له هند څخه سويلي افريقا ته ستانه سوي موږ قرنطين کړه او د ۱۴ ورځو لپاره د هر ډول ليدو کتو او ښار ته د راوتلو څخه منع دي.
انګستان هم خپله کريکټ لوبډله د سريلانکا څخه بيرته خپل هيواد ته وغوښته.
که څه هم په انګلستان کي تر سريلانکا د کرونا د ويروس ډير خطر موجود دی خو د سريلانکا طبابت او شرايط د انګلستان په څير ندي نو ځکه يې لوبډلي لوبي وځنډولې او خپل هيواد ته ستانه سوه.

Be the first to comment

Leave a Reply

Your email address will not be published.