سیاست مخکښان نړۍ

د روسي سياستوال او مقاله ليکونکي ماکسيم ګورکي، ژوند او اند

اعلان

ژباړه: محمد عزيز پردېس

الکسي ماکسيموويچ پشکوف چې په ماکسيم ګورکي مشهور دی د ۱۸۶۸ کال د مارچ په ۲۸ مه دې نړۍ ته سترګې وغړولې. نوموړی په خپل وخت کې د روسيې له فعالو سياست پوهانو څخه و او همدارنګه د ادبياتو په برخه کې خورا برلاسی و. ګورکي ۵ ځلې د ادبياتو په برخه کې د نوبل جايزې ته نوماند شوی و. هغه مخکې له دې چې د روسيې له تکړه ليکوالانو څخه شي، د روسيې په مختلفو سيمو کې په سوداګرۍ او تجارت بوخت و. د ماکسيم ګورکي ترټولو مشهوره آثار په لاندې ډول دي: زما لومړنۍ مينه، ۲۶ نارينه او يوه ښځه، ځان او زوی يې، مور او نور…

ګورکي د خپلو دوه روسي ليکوالانو تولستوي او آنتون چخوف سره همعصره و او وروسته يې د دوی په هکله خپل خاطرات د قلم په ژبه بيان کړي.

ـ هغه څوک چې د ژوند تر وروستيو شېبو هم د اولاد نوم په خوله لري، مور ده.

ـ کتاب لوستلو ته مو دوام ورکړئ، خو دا په ياد ولرئ چې کتاب يوازې کتاب دی او دا بايد هېر نکړئ چې د ځان په اړه مو فکر وکړئ.

ـ د ژوند مفهوم بايد د ارادې په قدرت او ښکلا کې ولټوئ.

ـ تېر يادونه او خاطرې د اوس مهال انرژي له منځه وړي او د راتلونکې په اړه د ټولو هيلو مخه نيسي.

ـ همدا ميندې دي چې نړۍ ته پوهان، عالمان او لويان وړاندې کوي.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی