سپورټ فوټبال

رونالډو د ایټالوي کلب«یوونټوس» د کال تر ټولو غوره لوبغاړی شو

لیکنه: محمدصابر حمیدي

د پرتګال هیواد د فوټبال ملې لوبډلې او ایټالوي کلب«یوونټوس» بریدګر لوبغاړي کریسټیانو رونالډو د یوونټوس کلب د کال د غوره لوبغاړي جایزه ترلاسه کړه.

یوونټوس کلب په خپل کورني لیګ کې اتلولۍ ته ځان ورساوه او پکې یاد پړاو کې رونالډو ۳۱ ګولوهنې ترسره کړې.

دا لوبډله تېره جمعه د اروپا د اتلانو لیک څخه ووته.

رونالډو د دوو ښکلو ګولوهنو په مټ ډېره هڅه وکړه، چې خپله لوبډله د یاد لیګ تر درېیم پړاو ته ورسوي، خو بیا هم ونه توانېده او له سیالیو ووته.

۳۵ کلن رونالډو دوه کلونه مخکې د ځینو اختلافونو له امله اسپانوۍ لوبډله ریال ماډرید پرېښودله او د ایټالوي کلب یوونټوس سره یو ځای شو.

له هغه وروسته چې رونالډو د یوونټوس کلب سره یو ځای شوی، د دې لوبډلې لپاره یې په مجموعي توګه ۶۴ ته لوبو کې ۵۲ ګولوهنې کړي.

کریسټیانو رونالډو تر دې دمه د میسې سر یو ځای د نړۍ خورا مخکښ فوټبالر یادیږي.

رونالډو د نورو شخصې جایزو ترڅنګ ۵ د سرو زرو توپونه او څلور یې بیا د سرو زرو بوټان ترلاسه کړې دي.

میسې بیا ۶ د سرو زرو توپونه او ۶ بیا د سرو زرو بوټان ترلاسه کړې دي.

د سرو زرو توپ د کال تر ټولو غوره لوبغاړې ته او د سرو زرو بوټ بیا د کال تر ټولو زیات ګولوهونکې ته ورکول کیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ