سپورټ فوټبال نړۍ

فوټبال: هالند د میسي او رونالډو نړیوال ریکارډ مات کړ+انځور

د جرمني کلب بورسیا دورتمند تکړه بریدګر لوبغاړي ارلینګ براوت هالنډ د نړۍ د دوو قوي فوټبالرانو لیونل میسي او رونالډو ریکارډ ته ځان ورساوه او دا ریکارډ یې خپل په نوم کړ.

 هالنډ د شنبې په ورځ د شالکې فوټبال لوبډلي په وړاندي ګولوهنه ترسره کړه، چي په یادي ګولوهني سره یې د میسي او رونالډو ریکارډ ته ځان ورساوه.

 د راپورونو له مخي لیونل میسي د لومړي ځل لپاره وتوانېد، چي د فوټبال په یوه فصل کي ۴۱ ګولوهني د خپل لوبډلي بارسلونا لپاره په ۲۲ کلنۍ کي ووهي.

 کریسټیانو رونالډو بیا د لومړي ځل لپاره وتوانېد، چي د فوټبال په یوه فصل کښي ۴۱ ګولوهني په یوه فصل کښي د خپل پخوانۍ لوبډلي منچسټر یونایټيډ لپاره په ۲۳ کلنۍ کي ووهي.

 خو هالند وتوانېد، چي د خپلي لوبډلي لپاره یوه فصل کښي ۴۱ ګولوهني په ۱۹ کلنۍ کي ووهي.

په دې سره هالند په ډېر کم عمر ۱۹ کلنۍ او ۲۳ ورځو عمر درلودلو سره د نړۍ د دوو قوي فوټبالرانو رونالډو او میسي دواړو ریکارډ مات کړ.

 هغه دا ګولوهني د خپل پخواني کلب سالزبورګ او دورتمند سره یو ځای ترسره کړي دي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ