افغانستان ټولنیز ژوند د ماشوم نړۍ ژوند بڼه کرونا

روغتیا وزارت کورنیو ته: د کورونا تر ختمه ماشومان مه زېږوئ!

د افغانستان عامي روغتیا وزارت په هیواد کې له ټولو کورنیو نه غوښتې، چې د کورونا ویروس تر ختمېدو پورې دي ماشوم نه زېږوي.

د عامي روغتیا وزارت ویاند ډاکټر اکمل سمسور په یوې خبرې غونډې کې له ټولو کورنیو څخه وغوښتل، تر څو چې د کورونا مثبتې پيښې په ښه ډول کمې شوي نه وي ماشومان دي نه زېږوي.

ښاغلي سمسور زیاته کړه:

«څوک چې د ماشوم پيداکولو پلان لري، نو د کورونا ویروس د ختم وروسته دي ماشوم وزېږوي، او یا هم هغه وخت دي د ماشوم پیداکولو لپاره پلان ونیول شي، چې موږ د کورونا واکسین ته لاسرسی ولرو.»

د سمسور په وینا کورونا ویروس د نورو ښځو په پرتله امیدوارو ښځو ته زیات زیانونه لري، نو په همدې موخه باید دې حالاتو کې د ماشوم له زېږون څخه ډډه وشي.

د عامې روغتیا وزارت وايي په هیواد کې د کورونا ویروس مثبتې پيښې تر ۳۳ زرو اوښتي.

د یاد وزارت په خبره، چې شاوخوا ۹۰۰ کسان د دې ویروس له امړه مړه شوي او تر ۲۰ زرو ډېر کسان بیا بیرته د دې ویروس څخه رغېدلې دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ