مارچ 5, 2021

په وزن پورته کولو کې د ټولې اروپا اتله مسلمانه شوه

Advertisements
لیکنه: محمدصابر حمیدي

د ټولي اروپا په سطحه د وزن پورته کولو ښځينه لوبغاړې ربکا کوها وروسته له هغه د خپل ورزشي مسلک سره مخه ښه وکړه، چې مسلمانه شوه.
هغې پر خپل انسټاګرام ویلې، چې د اسلام په مبارک دین مشرفه شوه او له دې وروسته به نور د اسلامي حجاب مراعتولو په موخه د وزن پورته کولو په سیالیو کې ګډون ونکړې.

هغې لیکلي:

«ملګرو! ما نن د خپل ژوند په اړه یوه لویه پرېکړه کړې، زه وار له مخې درته وایم، چې په دې پرېکړي زه ډېره خوشحاله یم او باور لرم، چې صحي کار مي کړی. زه ستاسو څخه یوازینی کال احترام غواړم، که څوک د خبرو لپاره څه ویل نلری کولای شي زما له صفحې څخه لاړ شئ. نن زما لپاره یوه خاصه ورځ ده، چې زه مسلمانه شوم او د ماپښين ۳:۳۵ مي د شهادت کلیمه وویله. لکه څنګه چې زه مسلمانه شوې یم، نور له تاسو څخه هیله کوم، چې زما پخواني انځورونه خپاره نه کړئ. د خدای ج شکر اداء کوم.»

ربکا کوها د ریو ۲۰۱۶م کال په سیالیو کې څلورمه لوبغاړې، د ۲۰۱۷م اناهایم امریکا په سیالیو کې اتله او د ټولې اروپا په سطحه په ۵۸ کلیو ګرام وزن کې اتله پېژندل شوې.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي