سپورټ فوټبال

الکلاسیکو؛ ریال مادرید کلب بارسلونا ته په خپل کور کي ماته ورکړه

خبریال: فضل الله فضلي

تېره ورځ د هسپانیا د لالیګا لیګ د لوبو په لړ کي د بارسلونا کلب د ریال مادرید پر وړاندي ولوبېدئ.

لوبه ریال مادرید له بارسلونا کلب څخه ۳ پر ۱ ګولونو وګټل.

دا لوبه د بارسلونا په کورني لوبغالي کمپ ناوو (نیو کمپ) کي ترسره سول.

Real Madrid vence 3-1 al Barcelona en el Clásico Español 2020-21 -  Periódico Novedades

په لوبه کي لومړنی ګول د ریال مادرید لوبغاړي فیدیریکو والورډي ولګوئ.

دوهم د بارسلونا لوبغاړي انسو فاټې ولګوئ او پاتي ګولونه د ریال لپاره سرجیو راموس پینالټي او لوکا موډریچ ووهل.

پدې بریا سره ریال مادرید د الکلاسیکو د لوبو په تاریخ کي د بارسلونا کلب څخه یوه لوبه مخکي سو او خپلي بریاوي یې ۹۷ ته ورسولې.

El Clasico LIVE: Real Madrid wins El Clasico, defeats Barcelona 3-1, Check  Highlights

د دواړو کلبو ترمنځ د الکلاسیکو ټولي ۲۴۴ لوبي ترسره سوي، چي ۵۵ یې مساوي سوي او ۹۶ یې بیا بارسلونا کلب ګټلي دي.

د لوبي ۵۳ سلنه واک او د توپ لوبېدل د بارسلونا کلب په لاس کي وو، خو ریال مادرید د همېشه په څېر بریدګره لوبه کول او پر مقابل لوري یې دوه برابره پر هدف شوټان ووهل.

لدې سره ریال د ګروپ پر سر کي، اتلاتیکو مادرید دوهم، خو بارسلونا د جدول پر ۱۲م ځای کي راغلئ.

د بارسلونا کلب تکړه او د نړۍ مشهوره لوبغاړي لیونل میسي نه یوازي دا چي په تېره لوبه کي یې کومه لاسته راوړنه درلودل، بلکه دا یې ۶مه د الکلاسیکو لوبه وه، چي د ریال مادرید پر وړاندي یې نه ګول او نه هم د ګول پاس ترسره کړئ دئ.

FC Barcelona 1-3 Real Madrid LIVE! El Clasico 2020 match stream, result and  reaction to Sergio Ramos penalty | London Evening Standard

د هسپانیا هیواد په مشهور لالیګا لیګ کي ریال مادرید او بارسلونا کلبونه د نړۍ تر ټولو مشهور کلبونه دي او دواړه کلبونه په خپل منځ کي سخت سیالان هم دي.

د اروپا اتلانو او لالیګا لیګونو کي د دواړو لوبډلو مخامخ کېدل او په خپلو کورونو کي دوه اړخیزي لوبو کولو ته د الکلاسیکو نوم ورکول سوئ دئ.

راتلونکې د الکلاسیکو لوبه ۵ میاشتي وروسته د ریال په کوربتوب د نوي عیسوي کال د اپرېل پر ۱۱مه نېټه ترسره کیږي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ