سپورټ کرکټ وزش او تمرین

راشد او مجیب نړیواله درجه بندي کې بیا هم خپل مقامونه ساتلي

لیکنه: محمدصابر حمیدي

د افغانستان د کرکټ ملې لوبډلې دوه نامتو لوبغاړو راشدخان ارمان او مجیب الرحمن ځدران د کرکټ نړیوالې شورا تازه خپره شوې درجه بندي کې خپل لومړی او دوهم ځای ساتلی.

د کرکټ نړیوالې شورا پرون چهارشنبه په شل اوریزه سیالیو کې د توپوهونکو او توپ‌اچونکو درجه بندي اعلان کړه.

د توپ‌اچونکو په درجه بندي کې د نیوزیلنډ تیم سوتي شپږ قدمه پرمختګ کړی او اووم ځای یې خپل کړی. د ویسټ انډیز کوټریل بیا نهم ځای څخه اتم ځای ته پورته شوی.

خو د نیوزیلنډ بل لوبغاړی سانټینر بیا له اووم ځای څخه نهم ځای ته کښته شوی.

په شل اوریزه سیالیو کې د توپ‌اچونکو درجه بندي

۱ـ راشدخان ارمان د افغانستان، ۷۳۶ نمرې.

۲ـ مجیب ځدران د افغانستان، ۷۳۰ نمرې.

۳ـ عادل رشید د انګلستان، ۷۰۰ نمرې.

۴ـ آدم زیمپا د اسټرالیا، ۶۸۵ نمرې.

۵ـ تبریز شمسي د سویلي افریقا، ۶۸۰ نمرې.

۶ـ ایشټون اګر د اسټرالیا، ۶۶۴ نمرې.

۷ـ ټیم سوتي د نیوزیلنډ، ۶۳۶ نمرې.

۸ـ کوټریل د ویسټ انډیز، ۶۳۴ نمرې.

۹ـ میچل سانتینر د نیوزیلنډ، ۶۲۸ نمرې.

۱۰ـ کریس جورډن د انګلستان، ۶۱۸ نمرې.

په شل اوریزه سیالیو کې د توپوهونکو درجه بندي

د کرکټ نړیوالي شورا په شل اوریزه سیالیو کې د توپوهونکو درجه بندي هم اعلان کړه، چې افغان لوبغاړی حضرت‌الله ځاځی له نهم ځای څخه لسم ځای ته کښته شوی.

۱ـ ډیویډ مېلان د انګلستان، ۹۱۵ نمرې.

۲ـ بابر اعظم د پاکستان، ۸۲۰ نمرې.

۳ـ کېل راهول د هندوستان، ۸۱۶ نمرې.

۴ـ ایرون پینچ د اسټرالیا ۸۰۸ نمرې.

۵ـ وان ډیر ډوسین د سویلي افریقا، ۷۴۴ نمرې.

۶ـ مکسویل د اسټرالیا، ۷۰۱ نمره.

۷ـ ویراټ کوهلي د هندوستان، ۶۹۷ نمرې.

۸ـ مونرو د نیوزیلنډ، ۶۹۵ نمرې.

۹ـ سیپرټ د نیوزیلنډ، ۶۸۵ نمرې.

۱۰ـ حضرت‌الله ځاځی د افغانستان، ۶۷۶ نمرې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ