مارچ 6, 2021

ستړی راشد دمه نه لري، اوس سویلي افریقا ته ورسید، خو ټیم یې بد حالت کې دی

Advertisements

ليکنه: مدثردعوت
راشدخان هغه نوم دی چي نړۍ يې د کرکټ څخه متاًثره ده، هغه که توپ اچوونه وي، توپوهنه ياهم ډګرساتنه وي.
هندوستان پريمرليګ،بيګ باش،دکاناډ ليګ،بنګلديش پريمرليګ،افغانستان پريمرليګ اوپه خپله د افغانستان ملي لوبډلي کي د راشدخان لوبيدل ددې باعث سوي چي نوموړی په پوره کال هم خپل کورته نه وي تللی.
يوازي څو ورځي مخکي راشدخان له لس اووريز ليګ څخه اوزګار سو، ترهغه وړاندي د افغانستان غوره ليګ، خو دادی اوس يې بيا ځان سويلي افريقا ته رسولی.

راشدخان د خپلي لوبډلي سره پداسي حال کي يوځای سو، چي لوبډله يې تر نورو ټولو لوبډلو په بد حالت کي ده.
په مزانسي سوپرليګ د نومبر په ۱۶مه نيټه پيل سوی، تر دې مهاله پکښې ۲۰ لوبي ترسره سوي چي ۲۱مه به يې د راشدخان لوبه وي.
ډربن هيټ لوبډلي خپلي تيري شپږ واړه لوبي بايللي نو اړتيا ده چي راتلونکي پاته څلور لوبي وګټي ترڅو بل پړاو ته لار پيدا کړي.
خو د راشدخان په ورتګ سره يې لوبډله خوشبينه ده چي بل پړاو ته به لارپيدا کوي.
د ډربن هيټ لوبډلي روزونکی ګرانټ مورګن وايي پلې اپ ته د رسيدو لپاره بايد راتلونکي څلور واړه لوبي وګټو،اړتيا ده چي زحمت وباسو نو زه خوشحاله يم چي راشد مو د لوبډلي سره يوځای سو.
دی زياتوي چي راشدخان د شل اووريزو لوبو لومړی مقام توپ اچوونکی او د يو ورځنيو لوبو لومړی مقام الراونډر دی، نوځکه به يې لوبډله د هر اړخه پياوړې سي.

د راشدخان د لوبډلي اوومه لوبه چي نوموړی به د لومړي ځل لپاره پکښې لوبيږي چهارشنبه، د شپې ۰۹:۳۰ بجې د نيلسن منډيلا لوبډلي په وړاندي ترسره کيږي.
دغه ليګ د رواني ډسمبر مياشتي تر ۱۶مي نيټې پوري دوام کوي.
راشدخان په دويم پړاو لس اووريز ليګ کي د مراټيا عربينز لوبډلي لپاره په ۹ لوبو کي ۶ لوبغاړي وسوځول،۲ کيچونه يې ونيول او ۴۲ منډي يې جوړي کړلې.
خو ګوره چي په مزانسي سوپر ليګ کي به دخپلي لوبډلي هيلي پوره کړي که يا؟!

د امریکا د بهرنیو چارو وازرات؛ اووه افغانو مېرمنو ته د زړورتیا جایزه ورکوي

لیکوال: نسیمه محمدي ، کابل - برخه : افغانستان

Advertisements تمه ده د امريکا د بهرنيو چارو وزارت د زړورو مېرمنو افتخاري جايزه، اووه افغانو ښځو ته ورکوي، چې په ٢٠٢٠م کې يې خلکو ته د خدمت په جريان خپل ژوند له لاسه ورکړى ... نور ولولئ