په افغانستان کې درې نیم میلیونه وګړي د جګړو له امله بېځایه شوي دي.
د ملګرو ملتونو د کډوالو عالي کمیشنرۍ ویلي چې په افغانستان کې د وچکالۍ او جګړو له امله د خلکو ژوند له ګواښونو سره مخ شوی دی او دمګړی شاوخوا ۳،۵ میلیونه وګړي له خپلو مېنو بېځایه شوي دي.
سرچینه وايي چې دغه کسان تر ډېره د جګړو له امله بېځایه شوي او بېړنیو مرستو ته اړتیا لري.
دغه اداره همدا راز وایي چې دمګړی دوی د مرستې رسونې په برخه کې فعالیت کوي او ټول تمرکز یې پر کورنیو بېځایه شوو دی خو شته مرستې کفایت نه کوي او د نړیوالو لا ډېره همکاري اړینه ده.
د سرچینې په خبره کابل ته یې ځینې بشردوستانه مرستې پر لار ده چې ژر به را ورسېږي او پر اړمنو به ووېشل شي.
