موږ سره وصل شئ

سپورټ

نامتو فوټبالر رونالډو د خپلې پخوانۍ لوبډلې منچسټر یونایټیډ سره یوځای شو

خپره شوې :

پر

د پرتګال هیواد د فوټبال ملې لوبډلې او ایټالوي کلب یوونټوس تکړه، مشهوره او بریدګر لوبغاړی کریسټیانو رونالډو د یوونټوس لوبډلې څخه جلا شو او د انګلستانۍ لوبډلې منچسټر یونایټیډ سره یوځای شو.

 

رونالډو تر دې مخکې د منچسټر یونایټیډ لوبډلې سره په ۲۰۰۳م کال کې یوځای شوی و، چې د یادې لوبډلې لپاره یې شپږ کلونه خورا بریالي تېر کړل او له هغه وروسته په ۲۰۰۹م کال کې د ریال ماډریډ سره یوځای شو.

 

رونالډو د منچسټر یونایټیډ لوبډلې سره د دوو کلنو تړون په ۲۸ میلیونه یورو کړی.

 

 

 

د رونالډو لوبیز ژوند ته کتنه

 

۱- په سپورټینګ بې لوبډله کې د ۲۰۰۲م کال څخه تر ۲۰۰۳م کال پورې ولوبېد، چې په دوو لوبو کې یې هیڅ ګول ونه واهه.

 

۲- په سپورټینګ اې لوبډله کې هم د ۲۰۰۲م کال څخه بیا تر ۲۰۰۳م کال پورې ولوبېد، چې په ۲۵ لوبو کې یې درې ګولوهنې وکړې.

 

۳- په منچسټر یونایټیډ لوبډله کې د ۲۰۰۳م کال څخه بیا تر ۲۰۰۹م کال پورې ولوبېد، چې په ۱۹۶ لوبو کې یې ۸۴ ګولوهنې ترسره کړې.

 

۴- په ریال ماډریډ لوبډله کې د ۲۰۰۹م کال څخه بیا تر ۲۰۱۸م کال پورې ولوبېد، چې په ۲۹۲ لوبو کې یې ۳۱۱ ګولونه ولګول.

 

۵- په یوونټوس لوبډله کې د ۲۰۱۸م کال څخه بیا تر د ۲۰۲۱م کال پورې ولوبېد، چې په ۹۸ لوبو کې یې ۸۱ ګولونه ولګول.

 

نور ولولئ

Copyright © 2024 YARAAN Media