افغانستان

کابل ته د پاکستان د بهرنیو چارو وزیر شاه محمود قریشي له راتګ سره سم د تورخم لار د دوه اړخیز تګ راتګ لپاره پرانیستل شوې ده. راپورونه وایي چې دغه لار نن د هغو کسانو پر مخ پرانیستل شوې ده چې ویزې او قانوني اسناد ولري. په همدې حال کې نن داسې راپورونه ورکړل شوي دي چې پاکستاني حکومت د ډیورنډ فرضي کرښې دواړو غاړو ته مېشتو پښتنو وزیرستانیانو ته هم اجازه ورکړې ده … نور ولولئ

د حکومت مسوولین باید په سیمه ییزو او نړیوالو هوکړو کې له پوره دقت کار واخلي. پخواني طالب چارواکي او په پاکستان کې د افغانستان پخواني سفیر عبدالسلام ضعیف له ازبکستان تر کابل بیا پېښور د رېل پټلۍ د هوکړې په تړاو په یوه ټوېټ پیغام کې ویلي چې پاکستان په دې برخه کې په پوره مهارت دوه مخې لوبه کوي. دده په وینا پاکستان غواړي یوازې د افغانستان له خاورې د ترانزیت لپاره کار … نور ولولئ

مسکو ته تللی پلاوی وایي ټولو ګډونوالو په یوه خوله له افغانستان سره د مرستې او همکارۍ ډاډ ورکړی دی. د بهرنیو چارو سرپرست وزیر امیر خان متقي د مسکو تر غونډې وروسته په یوه خبري کنفرانس کې د خبرو پر مهال ویلي چې پر ډېری مواردو ټولو اړخونو د نظر توافق درلود. دده په وینا ګډون کوونکو هېوادونو ویلي چې د افغانستان کنګل شوې شتمني باید ازاده کړل شي، بشري مرستې دې ډېرې شي، … نور ولولئ

د افغانستان، چین، پاکستان او هند ترمنځ په مسکو کې څلور اړخیزه غونډه جوړه شوې ده. د بهرنیو چارو وزارت ویاند عبدالقهار بلخي په ټوېټ پیغامونو کې ویلي دي چې په دې غونډه کې په سیمه کې پر روان وضعیت او متقابلو همکاریو خبرې شوې دي. د بلخي په وینا درې واړو هېوادونو ژمنه کړې چې د افغانستان له نوي حکومت سره به خپل تعامل ته ادامه ورکوي او په اړینو برخو کې به همکاري … نور ولولئ

سیمه ییزو قدرتونو له ملګرو ملتونو غوښتي، چې د افغانستان د بیا رغونې لپاره د مرستندویه هېوادونو یو کنفرانس جوړ کړي. د راپورونو له مخې د مسکو په غونډه کې راټولو شوو هېوادونو پر ملګرو ملتونو غږ کړی دی چې د افغانستان پر بیا رغونه فکر وکړي او پر همدې تړاو د مرستندویه هېوادونو یو کنفرانس راوبولي. دوی وایي د افغانستان د ابادۍ لپاره باید ډېرې پیسې هغه هېوادونه ورکړي چې په تېرو شلو کلونو … نور ولولئ

روسیه وایي طالبان د همه شموله حکومت په جوړولو سره بریا ته رسېدلی شي. د افغانستان لپاره د روسیې د ولسمشر ځانګړي استازي ضمیر کابلوف ویلي دوی ددې غوښتونکي دي چې طالبان یو پیاوړی او همه شموله حکومت جوړ کړي. دده په خبره طالبان هغه مهال بریا ته رسېدلی شي چې همه شموله حکومت جوړ کړي او د افغانانو خبرو ته غوږ کېږدي. دده په وینا د افغانستان راتلونکی حکومت چې څومره پراخ وي او … نور ولولئ

هند وایي، د افغانستان له خلکو سره بشري مرستې پکار دي. د مسکو په غونډه کې د هند استازي ویلي، افغانستان له سخت وضعيت څخه تېرېږي او لاسنیوي ته اړتیا لري. د هند استازي ویلي، هېواد یې چمتو دی چې له افغانستان سره بشري مرستې وکړي او له نورې نړۍ هم غواړي چې په دې حساسو شرایطو کې د افغانستان تر څنګ ودرېږي او له دغه هېواد سره بشري مرستې ډېرې کړي. د یادونې ده … نور ولولئ

چین وايي په افغانستان کې د طالبانو په مشرۍ له نوي حکومت سره ګډ کار ته ادامه ورکوي. د مسکو په غونډه کې د چین استازي په خپلو خبرو کې ویلي چې د سیمې هېوادونه باید د دایمي ثبات او امن راوستلو لپاره له افغانستان سره مرسته وکړي. دده په وینا له افغانستان سره په مرسته ټولې سیمې ته امن او ثبات راتللی شي. هغه همدا راز پر نړیواله ټولنه غږ وکړ چې په وروستیو … نور ولولئ

د رییس الوزرا مرستیال د مسکو په غونډه کې له نړیوالو غوښتي چې د دوی حکومت په رسمیت وپېژني. د راپورونو له مخې د رییس الوزار مرستیال مولوي عبدالسلام حنفي د مسکو په غونډه کې وینا کړې ده او په خپلو خبرو کې یې ټینګار کړی چې د نړۍ هېڅ راز فشار ته به تسلیم نه شي. نوموړي ویلي افغانان له اوږدو کلونو وروسته د یوه پیاوړي او مرکزي حکومت خاوندان شوي دي او دا … نور ولولئ

روسیه وایي په افغانستان کې د اوسنۍ بې ثباتۍ اصلي لامل اقتصادي کمزوري ده. د روسیې د بهرنیو چارو وزیر سرګي لاوروف د افغانستان په تړاو په جوړه شوې غونډه کې د خبرو پر مهال ویلي چې په افغانستان کې د روانې بې ثباتۍ تر ټولو ستر لامل اقتصادي کمزوري او د امریکا له لوري ددغه هېواد د شتمنۍ کنګل کېدل دي. لاوروف دغه راز وویل چې ترهګرې ډلې د افغانستان له همدې اوسني وضعیت … نور ولولئ