هلمند په ولایتي سېالیو کي نیمروز ته ماته ورکړه او دوهم پړاو ته یې لار پیدا کړه.

راپور: عبدالله عادل
د کندهار ولایت پر سیمه ییز کرکټ لوبغالي د کرکټ ۵۰ اوریزه ولایتي سېالیو په لړ کښي تېره ورځ د هلمند لوبډلي نیمروز ته د ۸۷ منډو په توپیر ماته ورکړه.
د لوبي پچه (ټاس) د نیمروز لوبډلي وګټل او مقابله لوبډله هلمند یې توپ وهني ته دعوت کړه چي هلمند ورته د ۹ لوبغاړو په سوځېدو سره د ۴۱۱ منډو هدف وټاکه.
د هلمند لپاره په توپ وهنه کي شریف الله ۸۵ زلمي خان ۵۹ او عبدالنافي ۵۵ منډي جوړي کړې.
د نیمروز لپاره په توپ اچوونه کي قدرت الله ۳ ویکټي ترلاسه کړې.
د نیمروز لوبډلي ټاکل سوی هدف پوره نکړ او د ټولو لوبغاړو په سوځېدو سره یې په ۴۶.۳ اورونو کي ۳۲۳ منډي جوړي کړې او لوبه یې وبایلله.
د نیمروز له لوري په توپ وهنه کی محیب الله ۸۲ خدای نور ۷۵ او صدیق الله ۵۵ منډي جوړي کړې.
د هلمند له لوري په توپ اچونه کي عبدالباري کاکړ ۴ او حکیم خان ۳ لوبغاړي وسوځول.
د لوبي غوره لوبغاړی شریف الله ونومول سو چي ۸۵ منډي یې جوړي کړي وې.
هلمند ولایت د دوو لوبو په ګټلو سره د روانو ولایتي چیلینچ کپ سېالیو دوهم پړاو ته لاره پیدا کړه .
د یادوني وړ ده چي ددې سېالیو د دوهم ګروپ لوبي راتلونکې چهارشنبه د هرات او روزګان ترمنځ په لوبي سره پیل سي.

د ژوند د تحول لټون!

by حنیفه مومند ، کابل in بریا او پرمختګ

سهار وختي وو. د لمونځ نه پس مې د خپل کور په حويلۍ دوره وهله. ذهن مې نارامه وو، له ځان سره مې وويل، دا نو څه ژوند دى هره ورځ په يو کار پسې ... نور ولولئ