سپورټ کرکټ وزش او تمرین

پریټي زینټا د محمدنبي ستاینه کړې + ویډيو

لیکنه: محمدصابر حمیدي

د هند نامتو فلمي اداکاري او په آی پي ایل سیالیو کې د کینګز الیون پنجاب لوبډلې مالکي پریټی زینټا د افغانستان د کرکټ ملې لوبډلې د مخکښ لوبغاړي محمدنبي عیسی خېل ستاینه کړې ده.

پریټي زینټا پر خپلې رسمي ټویټر‌پاڼې ویډیو خپره کړې او په یاده ویډيو کې یې د محمدنبي په خاطر په سي پي ایل سیالیو کې د زووکس لوبډلې ملاتړ اعلان کړی دی.

هغې د یادي ویډيو سره لیکلي:

«زووکس لوبډلې ته د بریا مبارکي وایم، د دې بریا برخه محمدنبي عیسی خېل و.»

پریټي زینټا وروسته له هغه د نبي عیسی خېل ستاینه کړې، چې هغه د پنجشنبې په ورځ د ویسټ انډیز په کورنیو تجارتي سیالیو کې ښه وځلېد.

نبي تېره پنجشنبه د مقابلې لوبډلې ۵ ویکټې واخیستې او په دې سره کارابین لیګ کې لومړنی لوبغاړی شو، چې ۵ لوبغاړي سوځوي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ