مارچ 9, 2021

پریټي زینټا: په کریس ګېل ویاړم

Advertisements
لیکنه: محمدصابر حمیدي

د هندوستان د فلمي نړۍ پخوانۍ اداکاره او په آی پي ایل سیالیو کې د کینګز الیون پنجاب لوبډلې مالکه پریټي زینټا وايي، ډېره ویاړم، چې کریس ګېل راسره په لوبډله کې دی او د کینګز الیون پنجاب لوبډلې لباس په تن کوي.
پریټي زینټا پر خپلې رسمې ټویټر پاڼې د یادو څرګندونو ترڅنګ کریس ګېل ته مبارکي ویلې، چې په شل اوریزه سیالیو یې زر شپږیزې ووهلې.
هغې لیکلې:

«نن ابوظبۍ ته راغلم، خو دا ورځ زموږ نه وه. ډېره ویاړم، چې کریس ګېل زموږ لباس په تن کړی. ډېر دي درته مبارک وي، چې په شل اوریزه سیالیو کې دي زر شپږیزې ووهلې، واقعن دا یوه افسانه ده. موږ تر اوسه یوه لوبه لا لرو او هغه کې به قوي راوګرځو.»

کریس ګېل

پرون د آی پي ایل سیالیو په ۵۰مه لوبه کې د ویسټ انډیز هیواد د کرکټ ملې لوبډلې او د کینګز الیون پنجاب لوبډلې اوسني نامتو لوبغاړي کریس ګېل د راجستان په وړاندې ۹۹ منډې جوړې کړي.
په یادو منډو کې کریس ګېل اته شپږیزې ووهلې، چې په دې سره یې په شل اوریزه سیالیو کې خپلې شپږیزې تر زر واړولې.

کریسل ګېل په ۴۱۰ شل اوریزه لوبو کې اوس ۱۰۰۱ شپږیزې او ۱۰۴۱ بیا څلوریزې وهلې دي.
هغه په دې فارمټ کې ټول ټال ۱۳۵۷۲ منډې جوړې کړې دي.
په دې سره کریس ګېل لومړنی لوبغاړی شو، چې په شل اوریزه لوبو کې زر شپږیزې وهي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ