رسنۍ سینما او موسیقي

پريتي زينتا ۲۰ ځلې د کرونا وېروس ازموينه ورکړې

لیکنه: مدثر دعوت

خبريال: مدثر دعوت

د باليووډ سېنما ښځينه اداکاره پريتي زينتا وايي ۲۰ ځلې يې د کرونا وېروس ازموينه ورکړې.

پريتي زينتا اوس مهال په عربي اماراتو کې ده او هر کله د ای پي ايل لېګ په لړ کې د خپلې لوبډلې “کپنګز ايليون پنجاب” د لوبو د تشويق لپاره لوبغالې ته ورځي.

د کرونا وېروس په خاطر ای پي ايل د هندوستان پرځای په عربي اماراتو کې د مينوالو په نشتون کې ترسره کېږي خو د لوبډلو مالکان کولای سي د خپلو لوبډلو لوبې د نيږدې وګوري.

پريتي پر خپل انسټاګرام اکاونټ د خپرې سوي ويډېو سره ليکلي چې د ۳ څخه تر څلورو ورځو وروسته د کرونا ټيسټ ازموينه ورکوي چې اوس يې تعداد ۲۰ ته رسېږي او وايي چې زه د کرونا وېروس ملکه يم.

په همدې ويډيو کې پريتي د کرونا وېروس ټيسټ ورکوي چې په همدې مهال کې د روغتون د کارکوونکې صفت هم کوي.

د پريتي اړوند پنجاب لوبډله په تېرو ۳ لوبو کې بريا خپلوي او توانېدلې ده چې د ای پي ايل د لوبډلو په جدول کې پنځم ځای ونيسي خو دوی اړتيا لري چې خپلې راتلونکې ۳ لوبې هم وګټي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ