بریا او پرمختګ ژوند بڼه سپورټ فوټبال

فوټبال؛ د افغان لوبډلې راتلونکې لوبې او لوبډلې ته د نوي لوبغاړي راتګ

لیکنه: فضل الله فضلي

د افغانستان فوټبال فدراسیون د هېواد د فوټبال د ملي لوبډلي د راتلونکو لوبو نېټې څرګندي کړې.

د نوموړي فدراسیون د معلوماتو له مخي چي افغان لوبډله به د فوټبال نړیوال جام د غوراوي سیالیو او د آسیا فوټبال ملتونو جام لپاره د بنګله دېش او عمان د فوټبال ملي لوبډلو سره لوبي کوي.

70140609_2528041553930027_8332287376588013568_o.jpg

لومړۍ لوبه به یې د روان عیسوي کال د اکټوبر پر ۸مه نېټه له بنګله‌دېش سره او دوهمه لوبه به د اکټوبر پر ۱۳مه نېټه د عمان لوبډلي سره ترسره کړي.

یادي نېټې د فوټبال نړیوال فدراسیون یا فیفا وه افغان فدراسیون ته ورکړي دي، خو د ورځي د وخت او د ځای په اړه لا معلومات نسته.

بلخوا د افغان فوټبال فدراسیون خبر ورکوي، چي ملي لوبډلي ته يې له روسيې څخه افغان لوبغاړي ته بلنه ورکړې ترڅو د هیواد د ملي لوبډلي سره یوځای سي.

امیرمحمد چي یو بریدګر لوبغاړی دئ، د روسيې په دسته یک لیګ کي لوبیږي، دا بلنه منلې او ډېر ژر به د افغان ملي لوبډلي سره یو ځای سي او لومړۍ لوبه به د بنګله دېش خلاف ترسره کړي.

امیر محمد چي د ملي لوبډلي د یو بل لوبغاړي شریف محمد ورور دئ، تېر کال ورته د افغان لوبډلي د مشر روزونکي انوش دستګیر لخوا وړاندیز سوی وو.

امیر محمد به لومړی د روسیې هیواد د دسته یک لیګ څخه پرېکون وکړي او وروسته به د قانوني مراحلو په تېرولو سره د هیواد د ملي لوبډلي سره یوځای سي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ