مارچ 1, 2021

پنتاګون؛ له افغانستانه د ځواکونو تر ایستلو وروسته، هر ډول ګواښونه شنډوو

راپور: ملیحه ناصري

د امریکا د دفاع وزارت سرپرست، کریستوفر مېلر په شمالي کارولینا ایالت کې د یوې وینا په ترڅ کې وویل: « ولسمشر پرون حکم وکړ چې په افغانستان او عراق کې د امنیت له ټینګښت او د دومره هڅو په پایله کې زموږ د لاسته راوړنو په خوندي ساتلو سره دې د ۲۰۲۱ز کال د جنوري تر ۱۵مې پورې، د امریکايي ځواکونو شمېر دوه نیم زرو سرتېرو ته راټيت شي».
نوموړي وویل چې ښايي د امریکا متحده ایالاتو دښمنان د دغه اقدام لپاره د مزاحمت هڅه وکړي او ډاډ یې ورکړ چې امریکا به له شک پرته، هر ډول ګواښ خنثی او شنډ کړي.
د سه شنبې پر ورځ د یوه خبري کنفرانس په ترڅ کې مېلر وویل، چې په افغانستان او عراق کې به د امریکايي سرتېرو شمېر دوه نیم زرو ته راکم شي. هغه دا هم وویل چې دا پرېکړه یې د امریکا د سیاست یا موخو د بدلون په معنا نه ده.
د سي‌ان‌ان ټلویزیوني شبکې څېړنې وايي چې اوسمهال په افغانستان کې څلور زره او پنځه سوه امریکايي نظامي سرتېري شته.
د مېلر له دې څرګندونو دا جوتېږي چې واشنګټن چمتو دی د امریکايي ځواکونو تر ایستلو وروسته په افغانستان او عراق کې هر ډول امنیتي ګواښونه شنډ کړي.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




نن د افغانستان او ترکیې د ډیپلوماتیکو اړیکو سل کاله پوره شول

لیکوال: عاقله اسد - برخه : افغانستان

د ترکیې د بهرنیو چارو وزارت ویلي، چې نن “دوشنبه” د ترکیې او افغانستان د ډیپلوماتیکو اړیکو سل کلونه پوره او دا سلمه کلیزه به په ګډه ونمانځي. رسنۍ وایي، چې د ترکیې د بهرنیو ... نور ولولئ