هغه معلوله لوبغاړې چې ۷ مډالونه يې ګټلي

راپور: نسیمه محمدي
پروانه هغه معلوله لوبغاړې چې ۷۰ کیلو وزن پورته کوي.
پروانه عارفي چې دواړې پښې یې د افغانستان په کورنۍ جګړه کې پرې شوي، خو پنځه کاله کیږي چې پاورلفتنګ ورزش کوي او ۷۰ کیلو وزن پورته کوي.
نوموړې ازادۍ راديو ته وويل:
“هره ورځ ورزش کوم او په جیم کې د ورزش کولو تر څنګ مې په کور کې ورزشي وسایل چمتو کړي دي، د خپلو ستونزو له امله کلب ته نشم راتلای او زیات تمرین په کور کې کوم، اوس مې چمتوالی نېولی چې د ۷۰ – ۸۰ کیلو ګرامه وزن پورته کړم. ”

نوموړې تر اوسه اووه مډدالونه ګټلي دي.
پروانه معلوله ده او د افغانستان په جګړو کې یې دواړه پښې پرې شوي، خو په مټو کې یې همت شته.
مېرمن عارفه وايي:
“د وزن پورته کولو ورزش ته چې راغلم، دلته روغې نجونې هم وې او تمرین یې کاوه، خو ما د هغوی سره سیالي کوله.
سعدیې د افغانستان په سطحه دویم مقام درلود، چا د هغې سره سیالي نه کوله، خو سره له دې چې زه معلوله وم، له هغې سره مې سیالۍ وکړه.”
نجیب الله د وزن پورته کولو روزونکی وايي:
“د دوی لپاره دا زمینه برابره شوې او موږ د تکړه استادانو تر نظر لاندې ورسره همکاري کوو‌، پروانه عارفي د افغانستان او سویلي آسیا په سطحه زموږ د ویاړمنو او مډال راوړونکو مېرمن څخه ده.”

د پاورلفټنګ ورزش فدراسیون په افغانستان کې په ۱۳۸۹ه ل کې جوړ او اوسمهال په کې ۲۵ ښځینه او ۱۲۰ نارینه په ورزش بوخت دي، خو په معلولو ورزشکارانو کې پروانه د افغانستان په سطحه لومړۍ معلومه مېرمن ده چې تر اویا کیلو وزن یې پورته کړی دی.
پروانه عارفي ۲۳ کاله عمر لري، څلور میاشتې وړاندې يې واده کړی او د کور ټولې چارې په خپله او عادي توګه تر سره کوي.

Be the first to comment

Leave a Reply

Your email address will not be published.