ټولنیز ژوند خوندیتوب روغه سټه

د پلاستیکي کڅوڼو ضد کمپاین ترسره سو.

نن د کندهار د چاپیریال ساتني ریاست لخوا د پلاستیکي توکو د استعمال پر ضد د عامه پوهاوي کمپاین ترسره سو.

په دې کمپاین کي د یاد ریاست کارکوونکو، مدني فعالانو او یو شمېر رضاکاره ځوانانو برخه اخیستې وه او پر مهال یي د ښار په مختلفو ساحو کي خلګو ته د ټوکر کڅوڼي د پلاستیکي کڅوڼو پر ضد ووېشلي.

دوی د کمپاین پر مهال دوکاندارانو او د لاري تېرېدونکو خلګو ته د پلاسټیک د استعمال د زیانونو څخه چي چاپیریال ته ناوړه زیانونه اړوي معلومات او عامه پوهاوی ورکړ.

د کندهار د چاپیریال ساتني رئیس د ښار پر خلګو ږغ وکړ، چي د پلاستیکي کڅوڼو استعمال د ناعلاجه ناروغیو د رامنځ ته کېدو سبب کیږي او نور باید خلګ پلاستيکي کڅوڼي نه بلکه د ټوکر کڅوڼي استعمال کړي.

پر وېشل سوو کڅوڼو لیکل سوي ؤ، چي د پلاستیک استعمال لږ کړئ او پر ځای یې د  کاغذي او ټوکرینو کڅوڼو څخه کار واخلئ.

تردې کمپاین وړاندي د عامي روغتيا ریاست او ښاروالۍ هم د کندهار اوسېدونکو ته په څو ځلي خبر ورکړی، چي خلګ باید پلاستیکي کڅوڼي استعمال نه کړي.

د دوی په خبره چي د پلاستیکي کڅوڼي د هوا او چاپیریال په ککړېدو کي اساسي رول لري.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.