اپریل 16, 2021

د پاکستان د سټیج اداکاره، نائله په بد وضعیت کې مړه شوه

Advertisements

د پاکستان د تیاتر او ټلویزیون مشهورې اداکارې نائله شاه د یوې اوږدې ناروغۍ وروسته د ژوند پور ادا کړ.
نائله شاه د سټیج اداکاره وه او له ډېره وخته له ناروغۍ سره لاس او ګریوان وه.
پاکستانۍ رسنۍ وایي، دغه مشهور اداکاره د اوږدې ناورغۍ وروسته په ډېر بد حالت او غربت کې وفات شوې.
د رپوټ له مخې، نائله شاه پرون د پاکستان په ملتان ښار کې مړه شوه.
ملتان ښار کې د روغتون یوې سرچینې ویلي چې نائله شاه د ویني په ناروغۍ اخته وه او له تېرو ۱۰ ورځو راهیسي د نشتر په روغتون کې تر تداوۍ لاندې نیول شوې وه، چې پرون سهار یې د خپل ژوند پور ادا کړ.
د نشتر روغتون دغه سرچیني ویلي، اداکارې نائله شاه د ویني د سپینو کرویاتو د کمښت په ناروغۍ اخته او پر مخدره مواده روږدې وه.
رپوټ زیاتوي چې نائله شاه ۳۵ کاله ژوند وکړ او بلاخره یې د دې فاني نړۍ سره خدای پاماني وکړه.
دغې ۳۵ کلنې فلمي ستورې پيل د سټیج پر سر له نڅا کړی و او ترې وروسته یې په څو ټلویزیونې پروګرامونو کې هم برخه اخیستې وه.
د معلوماتو له مخې، کله چې یې ټلویزیونې پروګرامونو ته مخه کړه نو د څو پروګرامونو وروسته یې واده وکړ او د واده سره سم یې د فلمي نړۍ سره خدای پاماني وکړه.
له مودې وروسته یې خاوند په دې نړۍ ځانته پرېښوده خو د خاوند له مرګ وروسته یې خسرګنۍ د خاوند پر مال قبضه وکړه او غصب یې کړ، چې ترې وروسته یې نوموړې په ډېر غربت کې خپل ژوند تېر کړ.
نائله شاه څخه یوه ۷ کلنه لور او یو ۸ کلن زوی پاتی شول.

مصر کې ۳۰ کلن دود راژوندی کړل شو؛ روژماتي او ماښامي لپاره خلک په توپونو خبروي

لیکوال: مهر تاج - برخه : کلتور او هنر

Advertisements د صلاالدین ایوبي کلا توپونه وروسته له ٣٠ کلونو د روژه ماتي او پیشلمي د اعلان لپاره بیا چمتو شول. په روژه کې د توپونو پخوانیو کلونو کې د مصر په ګډون په ډیری ... نور ولولئ