اروپا کې پر پاکستان نړيوال هوايي شرکت باندې بنديز ولګېدی

خبريال: مدثر دعوت
د پاکستان د دولتي هوايي شرکت د کيرير د خرابېدو له امله د ۶ مياشتو لپاره اروپا ته د ياد شرکت پر الوتونو بنديز ولګېدی.
د اروپايي اتحاديې د هوايي خونديتوب ادارې(اياسا) د جولای د لومړۍ نېټې څخه تر راتلونکو شپږو مياشتو پورې د پاکستان نړيوال هوايي شرکت (PIA) څخه د “دريم هيواد د چلونې” اختيار بيرته واخيستی،چې دا بنديز به په انګلستان کې هم پلی کيږي.
دا پرېکړه وروسته تر هغې وسوه چې د “PIA Airbus A320” الوتکې د می په ۲۲مه د لاهور څخه تر کراچې پورې د سفر په پېښه کې ۹۷ مسافرين عمله مړه سوه،پداسې حال کې چې الوتکه د الوتنې په پيل کې هم زيانمنه ښکاريدله.

د لومړنيو راپورونو له مخې د طيارې کفتان او لومړني افسر معياري طرزالعملونه په پام کې نه وه نيولي، همدارنګه خبردارياني او اخطارونه يې هم له پامه غورځولي وه.
اياسا وايي د خونديتوب د مديريت په سيستم کې پرلپسې سرغړونې ترسره سويدي.

د جون مياشتې په پيل کې د پاکستان د دولتي نړيوال هوايي شرکت چارواکې د اروپايي اتحاديې د هوايي خونديتوب ادارې ته غوښتل سوي وه تر څو د خونديتوب د نيمګړتیاوو په اړه بحث وکړي.
د جون په ۲۴مه نېټه د پاکستان د هوايي چلند وزير پارلمان ته وویل چې د هيواد د ملکي چلند ادارې له لورې د ورکړل سويو ۸۶۰ د پيلوټۍ جوازونو څخه ۲۶۲ جعلي او تقلبي دې چې د دوی له ډلې څخه يې نيمايي کسانو په جعلي جوازونو پيلوټي کړې وه،پداسې حال کې چې دې هوايي شرکت ويلي چې ۳۶ پيلوټان يې نور دنده نسي ترسره کولای.

د اروپايي اتحاديې د هوايي خونديتوب ادارې د پاکستان هوايي شرکت ته په ليک کې ليکلي:” داسې قوي نښې شتون لري چې د پاکستان د پيلوټانو ډېر شمېر جوازونه غير قانوني دي او PIA د پلي کېدونکو معيارونو سره په موافقت ښودلو کې پاته راغلې”.
د پاکستان هوايي شرکت ددې ليک په ځواب کې ليکلي: ” PIA د دوی د اندېښنو د پوره کولو لپاره د اروپايي اتحاديې د هوايي خونديتوب ادارې سره په تماس کې ده او هيله لري چې تعليق به لغوه سي“.

تر راتلونکو دوو مياشتو پورې ياد شرکت کولای سي چې داروپايي اتحاديې د هوايي خونديتوب ادارې پر پريکړې اپيل وکړي او د ځان ثابتولو لپاره دلایل او شواهد وړاندې کړي.

په ۲۰۱۴ز او ۲۰۱۶ز کلونو کې هم د PIA مسافرينو ته د پيلوټانو او کارکوونکو د ناغېړيو او د مقرراتو د نه عملي کېدلو له امله مالي او ځاني زيانونه اوښتي وه.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




ازاده مبارزه؛ احمدولي هوتک د خپلي راتلونکې سیالۍ په اړه خبر ورکړ

لیکوال: محمد صابر حمیدي ، کندهار - برخه : سپورټ

د افغانستان د ازادي مبارزې تکړه او نامتو لوبغاړی احمدولي هوتک وايي، د روان ۲۰۲۱م کال د راتلونکې مې میاشتې په ۱۴مه نېټه به د اذربایجاني سیال اُرخان وایلیو پر وړاندي ولوبیږي. هوتک پر خپلې ... نور ولولئ