مارچ 2, 2021

د اردوغان د منځګړتوب باوجود؛ ډارن پاکستان ۱۷۸ هېوادونو ته هند نه فریاد کړی

د پاکستان او هند د کړکېچنو اړیکو تازه انکشاف دا دی، چې د ترکیې ولسمشر رجب طیب اردوغان د پاکستان غوښتنه منلې او له هند سره یې د دغه هېواد منځګړتوب ته غاړه ایښې ده.
اردوغان ته څو ورځې مخکې د پاکستان صدراعظم ټلیفون کړی و، څو له هند سره یې ستونزه حل او منځګړتوب وکړي.
د اردوغان ترڅنګ عمران خان د امریکا د بهرنیو چارو وزیر، د ملګرو ملتونو سرمنشي او یو شمېر نورو لوړپوړو بهرنیو او نړیوالو مشرانو ته هم د منځګړتوب د غوښتنې لپاره زنګونه وهلي.
د امریکا د بهرنیو چارو وزیر ورته په دې ټکیو سخت ځواب ورکړ: هند پر پاکستان نه، پر ترهګرو برید کړی.
له دې سره د پاکستان د پارلمان ریس د نړۍ ۱۷۸ پارلمانونو ته لیکونه لیږلي او له هند نه یې شکایت ورته کړی.

د پاکستان شکایت
د پاکستان د پارلمان ریس اسد قیصر په استولو دغو لیکونو کې هند د خپل هېواد د هوایي حریم په نقض تورن کړی.
قیصر په استولو لیکونو کې د هند پر هغو بریدونو نیوکه کړې، چې د پاکستان خاوره کې د ترهګرو پر پټنځایونو شوي.
د پاکستاني پارلمان ریس دغه راز اندیښنه ښودلې، چې هند به یې د هېواد پولې او حریم بیا وګواښي.
د عمل خلاف ادعاوې
پاکستان، چې د سیمې او نړۍ د ګڼو هېوادونو لخوا په نړیواله او سیمه ییزه کچه امنیت او ثبات ته یو لوی خنډ یادیږي، د پارلمان ریس یې په دغو لیکونو کې ادعا کړې، چې هېواد یې په سیمه کې امن او ثبات غواړي.
ده د هند د جنګي الوتکې د اسیر شوي پیلوټ خوشې کول هم د دغه نیت عملي مثال ګڼلی.
نړۍ ته زاري
پاکستان په دغو لیکونو کې له نړیوالو غوښتي، چې هند سره یې د جدي شوي کړکېچ کې په حل کې د مرستې لاس ورکړي.
خو داسې ښکاري، چې نړیوال هند پر پاکستان په حقه ګڼي، ځکه یې پر پاکستان د برید غندنه نه ده کړې.
پاکستان په دې برخه کې د اسلامي همکاریو سازمان له کلني کنفرانس څخه هم خوابدی دی.
دغه هېواد تمه لرله، چې د اسلامي هېواد په نوم به یاد شوی سازمان خپلې دفاع ته را وبولي، خو د دغه سازمان یو شمېر مقاماتو ورته ویلي، چې هند پاکستان نه ډېر مسلمانان لري او په دې دلیل یې دوی د نا مسلمان هېواد په نوم غندلی نه شي.

نن د افغانستان او ترکیې د ډیپلوماتیکو اړیکو سل کاله پوره شول

لیکوال: عاقله اسد - برخه : افغانستان

د ترکیې د بهرنیو چارو وزارت ویلي، چې نن “دوشنبه” د ترکیې او افغانستان د ډیپلوماتیکو اړیکو سل کلونه پوره او دا سلمه کلیزه به په ګډه ونمانځي. رسنۍ وایي، چې د ترکیې د بهرنیو ... نور ولولئ