افغانستان اقتصاد سرسکالو

افغانستان ته د ازبکستان وارداتي برښنا ٣٠٠ مېګا واټه ته زياته شوه

راپور: نسيمه محمدي

د برښنا شرکت اعلان کړى، چې ازبکستان هېواد د پنځه وارداتي برښنايي دستګاوو د تخنيکي ستونزو له حل وروسته، افغانستان ته د برښنا اندازه ٣٠٠ مېګاواټه ته زياته کړه.

د يکشنبې ورځ د جدي شپږمه نېټه، د برښنا شرکت په خپره شوې خبرپاڼه کې، ويلي دي چې د ازبکستان د وارداتي برښنا په عادي کولو کار روان دى، چې د برښنا واردات ٤٥٠ مېګا واټه ته ورسېږي.

په اعلاميه کې راغلي دي:

“مشترکين دې پوه وي، چې د برښنا شرکت رهبري هڅه کوي، د ژمي په موسم کې د برښنا وېش په غوره توګه تامين شي، خو د تخنيکي ستونزو رامنځته کېدل د تمې خلاف او د وړاندوينې وړ نه وي.”

له دې وړاندې وحيدالله توحيدي، د برښنا شرکت وياند رسنيو ته ويلي وو، چې ازبکستان، افغانستان ته د وارداتي برښنا اندازه د ١٦٩ مېګا واټه ته راکمه کړې ده.

د ښاغلي توحيدي په وينا، تاجکستان هم افغانستان ته وارداتي برښنا له ٩٠ څخه ٦٠ مېګا واټه ته راکمه کړې ده.

افغانستان هرکال له ايران، ازبکستان، تاجکستان او ترکمنستان هېواد څخه د ٢٠٠ ميليونه ډالرو په ارزښت برښنا پېري.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ