مارچ 9, 2021

ارزګان: څه باندې ۱۲۰۰ جریبه نوي بڼونه جوړ شوي

Advertisements
راپور: بشر درویش

د کرنې، اوبولګولو او مالدارۍ وزارت په ۱۳۹۹یم مالي کال کې د ارزګان په ولایت کې یو زر او ۲۴۰ جریبه نوي بڼونه جوړ کړي دي.
یاد وزارت یوه خبرپاڼه کې ويلي؛ دغه نوي بڼونه چې د مېوې مترکم او غېر متراکم بڼونه په کې شامل دي، د ارزګان ولایت په ټولو ولسوالیو کې ځمکوالو و بڼوالوته جوړ شوي دي.

په ورته وخت کې د ارزګان د کرنې ریاست ددې ولایت په بېلابېلو سیمو کې پر بڼوالو د مېوو اووه زره مثمر نیالګي هم وېشلي دي او ترڅنګ یې د ارزګان په مرکز او چورې ولسوالۍ کې د مرسي کورپ موسسې په همکارۍ د پستې د ۵۰ جریبه بڼونو او د بادامو د ۱۳۰ جریبه بڼونو د جوړولو په پار پر خلکو د پستې او بادامو نیالګي هم وېشلي دي.
سرچینه زیاتوي؛ په عصري لارو چارو نوي بڼونه جوړول او د دودیزو بڼونو اصلاح، د بڼوالۍ سیسټم معیاري کوي او د مېوو د پروسس لړۍ پراخوي، چې په راتلونکې کې د بڼوالو داقتصادي ودې لامل کیږي.

بايد وويل شي چې ارزګان د افغانستان یو له جګړو ځپلو ولایتونو دی چې اوس هم په کې درنې جګړې او نښتې کېږي.
دې جګړو خلکو ته د نورو ترڅنګ درانه مالي او زراعتي زیانونه هم اړولي دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




فرهان یوسفزی: که ملي لوبغاړي ښه وځلیږي، معنوي او مادي مرستې ورسره کوم

لیکوال: محمد صابر حمیدي ، کندهار - برخه : سپورټ

Advertisements لیکنه: محمدصابر حمیدي   د افغانستان د کرکټ بورډ له لورې په خپره شوې اعلامیه کې راغلې، چې د کرکټ بورډ عمومي رئيس فرهان یوسفزي پرون ماښام د افغانستان ملي لوبډلې لوبغاړو سره چې ... نور ولولئ