ځوان ته د واده په اړه د بوډا سړي زرين نصيحتونه

ژباړه: محمد عزيز پردېس
له داسې نجلۍ سره واده وکړه چې هره شېبه تا خپلو مسووليتونو ته متوجه کړي.
داسې نجلۍ چې درسره مينه درسره ولري، په دې پوه شه چې د مينې لرلو او خوښۍ ترمنځ ډېر توپير دی.
داسې نجلۍ چې ستا غوښتنه یې رضايت وي او د زړه له اخلاصه ستا کورنۍ ته احترام ولري.
داسې نجلۍ چې تل تا خپلو عبادتونو ته متوجه کړي، ځکه ستا د اولادونو لپاره به ښه مور وي.
داسې يوې نجلۍ سره واده وکړه چې تل کور ته ستا د راتګ په انتظار وي.
داسې نجلۍ سره خپل ژوند پيل کړه چې درته ووايي:
سباناری دې خوړلی؟
د لمانځه وخت دی!
چېرته يې؟ ناوخته دې کړه، رانغلې؛ په تشويش يم درته.
کله چې پلار سره دې شخړه شي، نو له فرصت څخه په استفادې تا ته د پلار او کورنۍ بد او رد ونه وايي او پر ځای يې درته ووايي: خير دی، هرڅه به سم شي.
سګرټ مه وهه، راتلونکې ته دې زيان رسوي.
پروا نه کوي، هرڅه چې ته غواړې؛ زموږ خوښي له ټولو څيزونو څخه غوره ده.
داسې يوه نجلۍ چې، وروسته له دې چې ته ورته ووايې: شپه دې پخیر؛ هغه دې په نامه درته غږ وکړي او کله چې ته ورته ووايې: بلې! هغه درته ووايي: مينه درسره لرم.
داسې نجلۍ چې په ژړاګانو دې وژاړي او په خنداوو دې درسره وخاندي.
زويه! داسې نجونې ډېرې کميابه دي. که د داسې مېرمنې خاوند يې، نو هېڅکله يې له لاسه مه ورکوه، زړه يې مه ماتوه، دروغ ورته مه وايه او اصلاٌ داسې نجلۍ سره په ذهن کې هم د خيانت فکر مه کوه.
ته بايد د پورته اوصافو لرونکې نجلۍ د خپل ګډ ژوند لپاره انتخاب کړې!!!