فبروري 25, 2021

د اُلمپيک په سیالیو کې له افغان لوبغاړو مالي ملاتړ کېږي

لیکنه: محمدصابر حمیدي

د ۲۰۲۰م د جاپان په توکیو ښار کې د اُلمپيک په سالیو کې له هغو افغان لوبغاړو څخه مالي ملاتړ کېږي، چې په دې سیالیو کې ګډونوال دي.
د اُلمپيک د تړون نړیوالې کمېټې د افغان ملي کمېټې، د افغان تکواندو، وزن پورته کولو، اتلاتیک او سوک‌وهنې فدراسیون په ګډه یو تفاهم‌لیک لاسلیک کړ، چې له مخې به یې د جاپان په توکیو ښار په کیدونکو اُلمپيکي سیالیو کې له افغان لوبغاړو څخه مالي ملاتړ کېږي.
د دې تړون په اساس د هغو ټولو افغان لوبغاړو څخه تر یادو سیالیو مالي ملاتړ کېږي، چې اُلمپیک سیالیو ته یې لاره پيدا کړې ده.
د افغانستان د اُلمپيک ملي کمېټې او د بدني روزنې عمومي رییس حفیظ ولي رحیمي دا تړون د افغان لوبغاړو د پرمختګ لپاره اړین او ګټور وباله.

ښاغلي رحیمي د تکواندو، وزن پورته کولو، اتلاتیک او سوک‌وهنې د فدراسیونونو له مسوولینو څخه وغوښتل، چې د راتلونکو سیالیو ترڅنګ د ځوانانو اُلمپيکي سیالیو ته پوره چمتووالی ونیسي او هغوی ته غوره لوبغاړي پيدا کړي.
د ځوانانو ترمنځ د اُلمپيک ۱۴م پړاو سیالۍ په ۲۰۲۲م کې د سنګال په کوربتوب ترسره کېږي.
د اُلمپيک نړیوالې سیالۍ، بیا چې ټاکل شوې وه په روان ۲۰۲۰م کې ترسره شي، خو د کرونا ویروس له امله د راتلونکي ۲۰۲۱م  د جولای ۲۳مې ته وځنډېدلې.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي


*