سپورټ فوټبال وزش او تمرین

د نړۍ نامتو فوټبالر «نیمار» په کورونا ویروس اخته شوی

لیکنه: محمدصابر حمیدي

د رپوټونو په اساس د فرانسوۍ لوبډلې «پاستژرمېن» درې نامتو لوبغاړي نیمار، ډیماریا او پاردس په کورونا ویروس اخته شوي.

د «میرور فوټبال» ورزشي اژانس د راپور له مخې، نیمار د پاستژرمېن لوبډلې درېیم لوبغاړی شو، چې د کورونا ټیسټ یې مثبت ختلی او په کورونا ویروس اخته شوی.

میرور فوټبال وایی، چې د پاستژرمېن لوبډلې مسوولینو د تېري دوشنبې په ورځ خبر ورکړی و، چې دوه لوبغاړي ډيماریا او پاردس یې په کورونا ویروس اخته شوي، خو پرون چهارشنبه یې په دې ویروس د نیمار د اخته کېدو خبر هم ورکړ.

نیمار په ۲۰۱۷م کال کې بارسلونا لوبډله پرېښودله او د فرانسې هیواد د کورنۍ لوبډلې پاستژرمېن سره د ۲۲۲ میلیونه یورو په لګښت د ۵ کالو لپاره یوځای شو.

د هغه دا رانیونه یو نړیوال ریکارډ جوړ شو،  تر دې مخکې او راورسته هیڅ یو فوټبالر په دومره پیسو ندی پېرل شوی.

نیمار اوس تر میسي او رونالډو راوروسته د نړۍ درېیم نوموتی او تکړه فوټبالر دئ، چي ډېر مینوال لري؛ خو د ځوانیتوب په اساس تر رونالډو او میسي ښه راتلونکې لري.

نیمار د پاستژرمېن لپاره اوس ۵۲ سیالیو کې ۴۷ ګولوهنې ترسره کړې دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ