مارچ 4, 2021

په انګلستان کې ولې لا هم تفريحي کرکټ ته اجازه نشته؟

خبريال: مدثر دعوت

په انګلستان کې لا هم تفريحي کرکټ ته اجازه نشته.
انګلستان به د جولای په اتمه نېټه د کورونا وايروس تر بنديزونو وروسته يو ځل بيا د نړيوال کرکټ کوربه وي، خو لا هم په دې هېواد کې بېله رسمي کرکټه نور تفريحي کرکټ ته اجازه نه ده ورکړل شوې.
د انګلستان لومړي وزير په يوې مرکې کې د کورني کرکټ د نه پيلېدلو په اړه تشريح ورکړې او د تفريحي کرکټ د نه پيليدلو لاملونه يې د چايو څښلو او لباس بدلولو خونې يادي کړي دي.
بوريس جانسن ويلي چې د تفريحي کرکټ پيدلېدل د ټولنې سره تړلې خبره ده، خو نړيوال کرکټ به يوازې څو ورځې وروسته پيل شي په داسې حال کې چې د انګلستان اويسټ انډيز کريکټ بورډونه په خبرو بوخت دي چې څنګه د کورونا وایروس څخه لوبغاړي په امان وساتل شي.
تېره مياشت هم جانسن د کرکټ توپونه د کورونا وايروس د خپرېدلو اصلي لامل ياد کړی و او په ورته وخت کې يې بازارونو، رستورانټونو، جېمونو او سېنماګانو ته د جولای په څلورمه د پرانيستلو اجازه ورکړه چې دا د تفريحي کرکټرانو د ناراضۍ لامل شوي.
د LBC سره په مرکه کې له بوريس جانسن څخه پوښتنه وشوه چې تفريحي ټينيس ته اجازه ورکړه شوه، خو لا هم ولې ځوانان د کرکټ کولو اجازه نه لري؟ نوموړي په ځواب کې وويل چې د دې لپاره معقول دليلونه شته چې ولې تفريحي کرکټ ته اجازه نشته او په دې اړه لا هم بحثونه روان دي.
نوموړي ويلي چې د کرکټ توپ، د چایو څښل او د لباس بدلولو اطاقونه هغه څه دي چې په ټينيس کې نشته .
د انګلستان کرکټ بورډ ټولو کلبونو ته په ليکل شويو لارښوونو کې ليکلي چې د تفريحي کريکټ د راتګ سره به يوځای د لباس بدلولو اطاق څخه استفاده نه کېږي، چې احتمالي خطرات له منځه ولاړ شي او کرکټ د انګلستان حکومت ته محفوظ وګڼل شي.
د انګلستان کرکټ بورډ د بوريس جانس د خبرو په ځواب کې ويلي چې کرکټ يوه ناتماس کوونکې لوبه ده، او دا چې اوس نورو فعاليتونو ته اجازه ورکړل شوې کرکټ هم تر هغوی خطرناک نه دی.
د مې په مياشت کې د څېړونکو يوې ډلې پر سپورټ د کرونا ويروس د اغېزو په اړه څېړنې کړې وې چې د دولت ځانګړي مشورتي ګروپ غړو دا وړاندوينه کړې وه چې جولای مياشت د لوبو د پيليدلو لپاره بهترينه مياشت ده.
د انګلستان او ويسټ انډيز ترمنځ لومړنۍ ټيسټ لوبه د جولای په اتمه نېټه د مينه‌والو په نشتون کې په تړلو دروازو کې ترسره کېږي.
دواړې لوبډلې د يو بل په وړاندې درې ټيسټ لوبې ترسره کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

څېړنې:عبادت د ژور خپګان مخنیوی کوي

لیکوال: عایشه حیدري ، کابل - برخه : ځوانان او زده کړې

د څېړنو پر بنسټ، په مذهبي مراسمو کې ګډون کولای شي انسان له ژور خپګان څخه وژغوري. د Journal of Religion and Health يا د دين او سلامتيا مجلې د راپور له مخې، کلونه کېږي ... نور ولولئ