بریا او پرمختګ ځوانان او زده کړې ژوند بڼه سپورټ وزش او تمرین

مایک تایسون یو ځلې بیا لوبو ته راستنېږي!

ژباړه: محمدصابر حمیدي

د سوکوهني پخوانی نوموتی امریکايي لوبغاړی یو ځلې بیا لوبو ته راستنېږي!

د سوکوهني پخواني نوموتي او تکړه لوبغاړي مایک تایسون پرېکړه کړې چې په ۵۴ کلنۍ کي یو ځلې بیا لوبو ته راستون شي.

مایک تایسون یو له هغه نړیوالو لوبغاړو څخه دی چې په لوبو کې د ډېرو بریاوو او ښه ځلېدو له امله یې نړیوال نوم درلود.

واشنګټن پوسټ وايي، چې د خپل وزن نړیوال اتل مایک تایسون یو ځلې بیا لوبو ته راستنېږي.

Mike-Tyson-versus-Evander-Holyfield.jpg

تایسون ویلي لوبو ته یې د بېرته راګرځېدو موخه دا ده چې د لوبو په پيسو له غریبو او نشه کارکوونکو کسانو سره مرسته وکړي.

هغه ویلي: “غواړم خپلو تمرینونو ته دوام ورکړم او یو ځلې بیا لوبو ته مخه کړم، زه غواړم له دې لارې د هغه نشه‌ځپلو او هغو غریبو کسانو سره مرسته وکړم چې بې کوره دي.”

هغه په ۲۰۰۵م کې له لوبو سره مخه ښه کړې وه.

تایسون د خپل ژوند په لوبیز پړاو کې ۵۸ نړیوالې لوبې ترسره کړې وې، چې له ډلې یې ۵۰ ګټلې، ۶ بایللې او دوې یې بیا بې پایلې پایته رسېدلي.

د یادلو لوبو له ډلې ۴۴ لوبغاړي هغه ناک اوټ کړي دي، چې دا د یوه لوبغاړي لپاره ډېره لویه خبره ده.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ