مارچ 4, 2021

غرختونکې افغانې نجلۍ نوی ریکارډ جوړ کړ + انځورونه

لیکنه: محمدصابر حمیدي

فاطمه سلطاني، چې غرختونکې ۱۷ کلنه نجلۍ ده، په کم عمر کې یې د افغانستان تر ټولو لوړ غره ته په ختلو سره ریکارډ جوړ کړ او دا ریکارډ په هیواد دننه په فاطمې سلطاني پسي ثبت کړل شو.

فاطمه سلطاني د یو شمېر نورو نارینه او ښځینه لوبغاړو سره یو ځای د هندوکش د غرونو په لړۍ کې نوشاخ څوکې ته ختلې، چې په دې سره دا د هیواد په سطحه کم عمره نجلۍ شوه، چې دومره لوړې سطحي ته خیژي.

د معلوماتو له مخي د نوشاخ په نوم ددغه غره لوړوالی ۷۴۹۲ متره دی، چې د افغانستان په شمال ختیخ بدخشان ولایت کې موقعیت لري.

فاطمه سلطاني د خپلو شپږ نارینه او درو نجونو په ملګرتیا د نوشاخ دې لوړې څوکې ته په ۱۷ ورځو کې وختله.

د دې ډلې مشر علي اکبر سخي ویلي، په ډله کې يې د کابل، بامیان، بغلان، بدخشان، میدان وردګ، غزني او هرات ولایتونو درې نجونې او شپږ هلکان وو چې د خارجي روزونکو پرته یې د لومړي ځل لپاره دومره لوړې څوکې ته سفر وکړ.

ښاغلی سخي وايي، له دوی سره په دغه مزل کې د فاطمې سلطاني په نوم یوه کم عمره یا تر ټولو ځوانه افغانه غرختونکې هم وه چې له دوی سره په ګډه نوشاخ څوکې ته وختله او نوی ريکارډ يې جوړ کړ.

تر دې مخکې تېر کال حنیفه یوسفي هغه لومړنۍ افغان غرختونکې وه، چې د خپل هیواد د غره لوړه څوکه یې فتح کړې وه.
افغانستان یو له هغه هیوادونو څخه دی، چې زیات شمېر غرونه لري، خو د امکاناتو نه شتون له امله غرختونکي لوبغاړي ډېر کم دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

جلال ابا کې چاودنې یوه ډاکټره ووژله

لیکوال: عاقله اسد - برخه : افغانستان

د راپورونو له مخې، نن سهار د جلال اباد ښار په درېيمه ناحیه کې ماین چاودنې د دې ولایت د حوزوي روغتون یوه ډاکټره وژلې ده. د والي ویاند عطاالله خوګیاڼی وايي پېښه د پاکستان ... نور ولولئ