نیوزیلینډ هم د IPL کوربتوب ته چمتوالی ښودلی!

د متحده عربې اماراتو او سریلانکا څخه وروسته نیوزیلینډ هیواد هم له هندوستانه غوښتې، چې د آی پي ایل سیالیو کوربتوب ورکړي.
د راپورنو له مخې نیوزیلینډ هندوستان ته وړاندیز کړی، چې سږ کال موږ د اي پي ایل کوربتوب کوو.
تر نیوزیلینډ مخکې متحده عربې اماراتو او سریلانکا هم له هندوستان څخه غوښتې وه، چي د اي پي ایل ۱۳م پړاو کوربتوب ورکړي.
په دې تړاو د هند کرکټ بورډ یو شمېر مسوولینو هم ویلې وه، چې ممکن سږ کال آی پي ایل لیګ د هندوستان په ځای متحده عربې اماراتو او یا هم سریلانکا کې ترسره شي.

دا چې په هند کې لا هم کورونا ویروس مخ په پراخېدو دی، داسې راپورنه ورکول کیږي، چې دولت به یې اجازه ورنکړې، آي پي ایل دي د هند په کوربتوب ترسره شي.
خو اوس تازه د هند کرکټ بورډ ویلې، چې دوی د آی پي ایل لپاره لومړی د هند په کوربتوب پلانونه جوړوي، خو که دولت اجازه ورنکړه، نو بیا به یې بهر هیوادونو کې پر ترسره کولو غور وکړي.
ټاکل شوې وه، د هند آی پي ایل سیالۍ په مارچ میاشت کې پيل شوي وای، خو د کورونا ویروس له امله له ځنډ سره مخ شوي دي.

Be the first to comment

Leave a Reply

Your email address will not be published.