اپریل 23, 2021

نیوزیلنډ د اسټرالیا څخه لړۍ وګټله؛ دلته یې د ټولو لوبو په اړه خبر شئ

لیکنه: محمدصابر حمیدي

 

د نیوزیلنډ او اسټرالیا کرکټ ملې لوبډلو ترمنځ د پنځو شل اوریزه سیالیو لړۍ کوربه نیوزیلنډ هیواد وګټله او اسټرالیا ته یې په یاده لړۍ کې درې پر دوه ماتې ورکړه.

 

لومړۍ لوبه

 

دا لوبه چي د فیبرورۍ میاشتې په ۲۱مه نېټه ترسره شوه، پکې لومړی نیوزیلنډ توپوهنه وکړه، نیوزیلنډ په ټاکلو شلو اورونو کې د پنځو لوبغاړو په سوځېدو سره ۱۸۴ منډې وکړې او اسټرالیا ته یې د ۱۸۵ منډو هدف وټاکی.

کله چي اسټرالیا لوبډله د هدف پوره کولو لپاره میدان ته کښته شوه، نو د لوبې په ۱۷،۳ اورونو کې یې د ټولو لوبغاړو په سوځېدو سره ۱۳۱ منډې وکړې او په ۵۳ منډو توپير یې د نیوزیلنډ څخه ماته وخوړه.

 

دویمه لوبه

 

دویمه لوبه چې د فیبرورۍ میاشتې په ۲۴مه نېټه ترسره شوه، پکې لومړی یوځلې بیا نیوزیلنډ توپوهنه وکړه، دې لوبډلې په ټاکلو شلو اورونو کې د اوو لوبغاړو په سوځېدو سره ۲۱۹ منډې وکړې او سیالي لوبډلې ته یې د ۲۲۰ منډو هدف وټاکی.

کله چې اسټرالیا لوبډله د هدف پوره کولو لپاره میدان ته کښته شوه، نو د لوبې په ټاکلو شلو اورونو کې یې د اتو لوبغاړو په سوځېدو سره ۲۱۵ منډې وکړې او په څلورو منډو یې د نیوزیلنډ څخه ماته وخوړه.

 

درېیمه لوبه

 

درېیمه لوبه چې د مارچ میاشتې په دویمه نېټه ترسره شوه، پکې لومړی اسټرالیا توپوهنه وکړه، اسټرالیا د لوبې په ټاکلو شلو اورونو کې د څلورو لوبغاړو په سوځېدو سره ۲۰۸ منډې وکړې او نیوزیلنډ ته یې د ۲۰۹ منډو هدف وټاکی.

کله چې د نیوزیلنډ لوبډله د هدف پوره کولو لپاره میدان ته کښته شوه، نو د لوبې په ۱۷،۱ اورونو کې یې د ټولو لوبغاړو په سوځېدو سره ۱۴۴ منډې وکړې او د اسټرالیا څخه یې په ۶۴ منډو ماتې وخوړه.

 

څلورمه لوبه

 

څلورمه لوبه چې د مارچ میاشتې په څلورمه نېټه ترسره شوه، پکې لومړی اسټرالیا توپوهنه وکړه، اسټرالیا د لوبې په ټاکلو شلو اورونو کې د شپږو لوبغاړو په سوځېدو سره ۱۵۶ منډې وکړې او نیوزیلنډ ته یې د ۱۵۷ منډو هدف وټاکی.

کله چي نیوزیلنډ لوبډله د هدف پوره کولو لپاره میدان ته کښته شوه، نو د لوبې په ۱۸،۵ اورونو کې یې د ټولو لوبغاړو په سوځېدو سره یوازې ۱۰۶ منډې وکړې او د اسټرالیا څخه یې په ۵۰ منډو توپير ماته وخوړه.

 

پنځمه لوبه

 

پنځمه لوبه چې نن سهار وختې ترسره شوه، پکې لومړی اسټرالیا توپوهنه وکړه، اسټرالیا د لوبې په ټاکلو شلو اورونو کې د اتو لوبغاړو په سوځېدو سره ۱۴۲ منډې وکړې او سیالي لوبډلې ته یې ۱۴۳ منډو هدف وټاکی.

کله چې نیوزیلنډ لوبډله د هدف پوره کولو لپاره میدان ته کښته شوه، نو ورکړل شوی هدف یې د لوبې په ۱۵،۳ اورونو کې د دریو لوبغاړو په سوځېدو سره پوره کړ او په اوو ویکټو یې بریا خپله کړه.

په دې سره دا لړۍ نیوزیلنډ درې پر دوه له اسټرالیا څخه خپله کړه.

 

وروستي مطالب