اپریل 13, 2021

کابل کې نوی جوړیدونکی نړیوال لوبغالی به کومې اسانتیاوې لري؟

Advertisements

کابل کې نوی په نړۍ والو معیارونو سنبال د کرکټ لوبغالی جوړېږي.
د کرکټ بورډ په حواله؛ د کابل د “الوخېلو” سیمه کې به په شپیته جریبه ځمکه کې، په نړیوالو معیارونو سنبال یو نوی د کرکټ لوبغالی جوړ شي.

ولسمشر اشرف غني د “شپږیزې” د پرانیستو په مراسمو کې د کرکټ مینه والو سره دا ژمنه کړې وه، چې ډېر ژر به په کابل کې داسي یو معیاري لوبغالي اباد کړي، چې د نړۍ نورو لوبغالو سره به سیال وي.
د لوبغالي ټول مصارف به د حکومت د کورنۍ بودجې او د کرکټ نړیوالو ملاتړو د مرستو نه پرې کېږي.

د کرکټ بورډ یو مسوؤل “حکمت حسن” د یاران ویب پاڼې ته وویل؛ دا لوبغالی به په نړیوالو معیارونو سنبال وي، چې سربېره پر دې به د کورنیو او بهرنیو لوبغاړو لپاره د پنځه ستوري لرونکي مېلمستون، د معیاري حوض، د سرپټې او سرلوڅې روزنځایونو یا اکاډمیو، د نندارچیانو لپاره د سیوري لرونکي ناستي ځایونو، د لوبغاړو لپاره د روغتیايي مرکز، د جومات، د موټرونو تمځای، د اداري ودانۍ او نورو اړونده اسانتیاؤ درلودونکی وي.

د یادونې وړ ده، چې د یاد لوبغالي په جوړېدو سره به د کرکټ ۳۵ زره نندارچیان په یاد لوبغالي کې سیالۍ له نږدې ننداره کړئ شي او همدارنګه به د کورنيو لپاره هم د ځانګړې ځای لرونکی وي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

د ناروغ پوښتنه اسلامي کړنه او د ناروغ پر روغتیا ښه اغېز لري

لیکوال: صدیقه پوپلزۍ، کابل - برخه : ټولنیز ژوند

Advertisements ليکنه او راټولونه اسلامي اخلاق او قوانین او په اسلام کې د الله تعالی د عبادت لپاره لارښوونې او د اسلام عقیدوي مفاهیم دا ټول د یو ټولنیز هیکل په جوړښت، او د مینې ... نور ولولئ