افغانستان سوله سیاست

د سولې نامعلومه خبرې؛ ناټو یو ځل بیا له افغان حکومت د قوي ملاتړ ژمنه وکړه

لیکنه: بشر درویش
راپور: بشر درویش

افغان ولسمشر پرون شنبه ماسپښین افغانستان کې د ناټو ملکي استازي سره وکتل.

د راپورونو پر اساس؛ ولسمشر محمد اشرف غني پرون ماسپښین په افغانستان کې د ناټو ملکي استازي سټیفانو پونټیکورو سره وکتل.

ارګ ویلي دې ناسته کې د ملي امنیت سلاکار حمدالله محب هم برخه اخیستې وه.

سرچینې ویلي؛ دواړو لورو د سولې پروسې، د افغان امنیتي او دفاعي ځواکونو پیاوړتیا او تجهیز، او د افغان حکومت برنامې، په ځانګړي توګه د سولې په برخه کې د ناټو د ملاتړ په اړه خبرې وکړې.

ښاغلي پونټیکورو د افغانستان د امنیت او دوامدار ثبات ملاتړ لپاره د ناتو قوي ژمنې تکرار کړې او وویل چې ناټو به د افغانستان له امنیتي او دفاعي ځواکونو سره خپلو کارونو ته دوام ورکړي.

دا پر داسې مهال ده چې د طالبانو او امریکا ترمنځ د تړون له مخې به امریکايي ځواکونو په ۱۴ میاشتو کې له افغانستان وځي.

بل پلو؛ د هوکړې یوه برخه د سولې بین الافغاني خبرې دي چې تر اوسه نه دي پیل شو او دواړه خواوې پر یو بل سره تورونه لګوي.

پرون تازه د افغانستان حکومت ویلي چې طالبان په یوه او بله بهانه د سولې خبره ځنډوي او په دې برخه کې د ملامتۍ ګوته ورته نیسي.

له هر څه سره سره تر اوسه معلومه نه ده چې د سولې بین الافغاني مذاکرات به کله پلیږي او تر کومه وخته به دوام کوي.

 

د لیکوال/ لیکوالې په اړه

بشر درویش

بشر درویش د یاران د کاري ټیم غړی دی، چې پر بیلابیلو مسلو د یاران لپاره راپورونه او مطالب چمتو کوي

تبصره مو ولیکئ