سینما او موسیقي کلتور او هنر مخکښان

د نصرالدين شاه جالبه وړاندوينه

لیکنه: مدثر دعوت

خبريال: مدثر دعوت

د باليووډ سېنما مشهور لوبغاړي نصرالدين شاه د باليووډ د راتلونکي په اړه جالبه وړاندوينه کړې.

نصرالدين شاه ويلي چې تر راتلونکو ۲۵ کلونو پورې به هيڅ سينمايي سالون پاته نسي.

د کرونا وېروس چې په ټوله نړۍ کې د سېنما کارونه، سالونونه تفريحي ځايونه او د تياتير ځايونه وتړله ،اوس يې انټرنيټي څېره خپله کړې.

اوسمهال په نړۍ کې مشهوري سېنماوي خپل ټول توليدات د انټرنيټ له لارې خپروي،فلمونه،سريالونه او نور د زده کړو مواد په انلاين ډول خلکو ته وړاندي کېږي.

په همدې حال کې د فلمونو اکثرو جوړوونکو کمپنيو انټرنيټ ته مخه او ددې لاري خپل فلمونه ريلېز کوي.

نصرالدين شاه چې د باليووډ سېنما يو مشهور لوبغاړی دی او په سلګونو فلمونو کې يې رول لوبولی په همدې اړه او د هندي سېنما د راتلونکي په اړه يې خبري کړي.

ده د انټرنيټ له لارې د فلمونو د خپرېدو په اړه وويل: ” زما په نظر تر راتلونکو ۲۵ کلونو کې به د فلمونو د خپرېدو لپاره د سېنما هيڅ ډول سالون وجود ونلري او ټول فلمونه به د انټرنيټ له لارې خپريږي،سېنماوي به په پلورنځيو او رسټورانټونو بدلي سي او ټول خلک به په خپلو کورونو کې فلمونه ګوري”.

د يادولو وړه ده چې نصرالدين شاه په يوه هندي سريال کې چي د بنديش بنډيټز په نامه دی او نن پيل کېږي د سندرغاړي رول لري چې د امازون کمپنۍ له لارې به په انلاين ډول خپرېږي.

نصرالدين شاه ۷۰ کلن دی، دوه ځلي يې د فلمفير جايزه ګټلې ،د هند د ملي ايوارډونو په شمول يې نورې معتبرې جائزې هم ګټلي دي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ