اپریل 11, 2021

نجیب ترکی لا هم کوما حالت کې دی

Advertisements

د ملي لوبډلې پیلیز او بریدګرتوپوهونکی جمعې په مازیګر د اکټوبرپه دویمه د جلال اباد ښار اوومې ناحیې اړوند بګرامیو موړ ته نږدې د یو سراچه ډوله موټر لخوا ووهل شو.
هغه ویډیو چې د په سیمه کې د امنیتي کمرو لخوا اخیستل شوې، نجیب ترکی پکې لیدل کېږي، چې له یوې هټۍ د توکو له پېر وروسته راوځي او غواړي د سړک بلې خواته تېرشي، چې دی له رېکشې څخه په تېرېدو سره د سراچې موټر سره تصادم کوي او بیا په سړک راپرېوځي.
د هغه له دې پېښې وروسته یې نوموړی یو شخصي روغتون ته لېږدول شوی او هلته تر درملنې لاندې دی.

ډاکټران وایي چې د سر برخه کې سترې ضربې لیدلي او لا هم په کوما حالت کې دی.
د هغه پوښتنې ته د کرکټ ملي لوبډلې ډېری لوبغاړي ورغلي او ځینو یې په غمرازۍ کې اوښکې تویې کړې.
د کرکټ ملي لوبډلې پخواني لوبغاړي کریم خان صادق اوښکې تویې کړې او له خلکو یې وغوښتل چې د روغتیا په پار یې رب ته لاسونه لپه کړي.
د نجیب ترکي اووښي وویل چې دا د خدای له پلوه مقرره شوې وه او حادثه وشوه.
د ننګرهار والي ضیاءالحق امرخېل هم د هغه پوښتنې ته ورغلی و او ژمنه یې وکړه، چې درملنه کې به یې پوره همکاري وکړي.
کریم صادق د شنبې په غرمه له یاران سره په خبرو کې وویل، چې هغه لاهم د کوما حالت کې دی او وضعیت یې نه دی عادي شوی.
محمد نبي عیسی خېل او راشدخان هم هغه سره  په خپلو فیسبوک پاڼو خپله غمرازي شریکه کړې او له خلکو یې د دعاګانو غوښتنه کړې ده.
د کریم  خان صادق په خبره نن هم د هغه پوښتنې د کرکټ ملي لوبډلې، نورو لوبډلو او د کلبونو لوبغاړي پوښتنې ته ورځي.
نجیب ترکی او کرکټ یې
نوموړی د افغان لوبغاړو په منځ یو زړور او چټک توپوهونکی دی، چې په شل اوریزو لوبو کې د افغانستان لوبېده.

۲۰۱۴ کې یې لومړۍ شل اوریزه لوبه په ډاکه ښار کې د بنګله دېش خلاف وکړه، وروستۍ شل اوریزه لوبه یې هم په ۲۰۱۹ کې د بنګله دېش خلاف په ډاکه ښارکې ترسره کړه.
په ۱۲ شل اوریزو لوبو کې ۲۵۸ منډې کړي دي، ۹۰ یې لوړې منډې دي، ۲۱ څلوریزې او ۱۳ یې شپږیزې وهلي دي.
یواځې یوه یو ورځنۍ لوبه یې په ۲۰۱۷ کال کې د ایرلېنډ خلاف کړې او ۵ منډې یې پکې کړي دي.
۲۰۱۴ کې یې د فرسټ کلاس لوبو پیل کړی دی، په ۲۴ لوبوکې یې ۲۰۳۰ منډې کړي، یوه لوبه کې یې زیاتې منډې ۲۰۰ دي.
۶ یې سلیزې او ۱۰ پنځوسیزې یې وهلي دي.
په همدې لوبوکې یې ۲۱۵ څلوریزې او ۱۰۴ شپږیزې جوړې کړي دي.
۱۷ لېسټ ای لوبو کې یې ۵۵۳ منډې کړي او یوه لوبه کې یې لوړې ۱۲۱ دي.
نوموړي ته په دې وروستیو کې لوبډله کې موقع ورکول کمه شوې وه او د لوبډلې په بهرنیو سفرونو کې ورته توجه نه کېدله.
 
 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د شهزاد محمدي شوخي او د خلکو مینه

لیکوال: سمیع الله درانی - برخه : سپورټ

Advertisements شهزاد محمدي د افغانستان په لوبډله یو له ساعت تیرو لوبغاړو څخه دی، چې هر وخت له مینوالو، لوبغاړو، داخلي لوبو او بهرنیو لوبو کې له لوبغاړو سره خوش طبعي کوي. د کرکټ ملي ... نور ولولئ